ಆರತಿ
ನಿತ್ಯ ಕಲ್ಯಾಣಿ ಪರಶಿವೆಗೆ ||
ಅತ್ಯುತ್ತಮ ನವರತ್ನದಿ ಕೆತ್ತಿದ | ಮುತ್ತಿನ ಆರತಿ ಬೆಳಗುವೆನು ||
ದೇವಿಗಾರತಿಯ ಬೆಳಗುವೆನು 1
ಗಂಧ ಕತ್ತುರಿ ಪರಿಮಳದಿ ||
ಕುಂದಣದಾರತಿ ಬೆಳಗುವೆನು ||
ದೇವಿಗಾರತಿಯ ಬೆಳಗುವೆನು 2
ಪರಿಪರಿ ಸುಮದಲಿ ಶೃಂಗರಿಸಿ ||
ವರ ಸುಮದಾರತಿ ಬೆಳಗುವೆನು ||
ದೇವಿಗಾರತಿಯ ಬೆಳಗುವೆನು 3
ಮಂಗಳ ಗೌರಿ ಕೃಪಾಕರಿಗೆ | ಮಂಗಳದಾಯಕಿ ಶಂಕರಿಗೆ ||
ಮಂಗಳಾರತಿಯ ಬೆಳಗುವೆನು ||
ದೇವಿಗಾರತಿಯ ಬೆಳಗುವೆನು4

ಪೊರೆಯುವಳು ದೇವಿ ಪೊರೆಯುವಳು||
ಕರುಣದಿಂದ ನಮ್ಮ ಪೊರೆಯುವಳು ಪ
ಶರಣರಿಗೊಲಿದವರಿಷ್ಟವ ಸಲಿಸುವ|
ಪರಮಪಾವನೆ ದೇವಿ ಪೊರೆಯುವಳು ಅ ಪ
ತೋಷದಿಂದಲವಳಾಶ್ರಿತ ಜನರಭಿ|
ಲಾಷೆಯ ಸಲಿಸುತ ಪೊರೆಯುವಳು||
ವಾಸವಾದಿ ಸುರವಂದಿತೆ ಶ್ರೀ ಪರ|
ಮೇಶ್ವರಿದೇವಿಯು ಪೊರೆಯುವಳು 1
ಮಹಿಷಾಸುರನನು ಮಹಿಯೊಳು ಕೆಡಹಿದ|
ಮಹಿಷಮರ್ದಿನಿದೇವಿ ಪೊರೆಯುವಳು||
ಮಹಿಮೆಯದೋರುತ ಖಳ ಧೂಮ್ರಾಕ್ಷನ|
ದಹಿಸುತ ಮಹಿಯನು ಪೊರೆದವಳು 2
ಚಂಡ ಮುಂಡ ಖಳ ತಂಡವಳಿಸಿ ಬ್ರ |
ಹ್ಮಾಂಡದ ಭಾರವ ಕಳೆದವಳು||
ರುಂಡವ ತರಿಯುತ ಚೆಂಡಾಡಿದ ಶ್ರೀ|
ಚಾಮುಂಡೇಶ್ವರಿ ಪೊರೆಯುವಳು 3
ಭಕ್ತರ ಪೊರೆಯಲು ರಕ್ತಬೀಜಾಖ್ಯನ|
ರಕ್ತ ಪಾನÀವನು ಗೈದವಳು||
ಯುಕ್ತಿಯಿಂದಲಾ ನಕ್ತಂಚರನನು|
ಶಕ್ತಿಸ್ವರೂಪಿಣಿ ತರಿದವಳು 4
ಶುಂಭ ನಿಶುಂಭರ ವಧಿಸಿದ ಶ್ರೀ ಜಗ|
ದಂಬಾದೇವಿಯು ಪೊರೆಯುವಳು||
ಅಂಬುಜಲೋಚನೆ ಶಂಭುಮನೋಹರೆ |
ಇಂಬುಗೊಡುತ ನಮ್ಮ ಪೊರೆಯುವಳು 5
ದುರುಳರ ಬಾಧೆಗೆ ಬೆದರುತ ಸುರತತಿ |
ಮೊರೆಯಿಡಲಭಯವನಿತ್ತವಳು||
ಅರುಣಾಸುರನ ಸಂಹರಿಸುತ ನಂದಿನಿ|
ನದಿಯೊಳು ಶರಣರಿಗೊಲಿದವಳು 6
ಪರಿಪರಿ ವಿಧದಲಿ ಧರಣಿಯ ಭಾರವ
ಪರಿಹರಿಸುತಲಿ ಪೊರೆದವಳು||
ಪರಮಕೃಪಾಕರಿ ಶ್ರೀ ಜಗದೀಶ್ವರಿ
ಶರಣರಾದ ನಮ್ಮ ಪೊರೆಯುವಳು 7
ಶಂಕರಿ ಶುಭಕರಿ ಕಿಂಕರಪ್ರಿಯಕರಿ||
ಪಂಕಜಲೋಚನೆ ಪೊರೆಯುವಳು||
ಶಂಖಚಕ್ರಾಂಕಿತೆ ಶ್ರೀ ದುರ್ಗಾಂಬಿಕೆ|
ಕಿಂಕರರೆಮ್ಮನು ಪೊರೆಯುವಳು 8
ಕೈಟಭಾದಿ ಖಳಸಂಕುಲವಳಿಸಿದ|
ನಿಟಿಲಾಂಬಕಿ ಶಿವೆ ಪೊರೆಯುವಳು||
ಜಟಾಮಕುಟ ಸುರತಟನೀಧರಸತಿ|
ಕಟಿಲಪುರೇಶ್ವರಿ ಪೊರೆಯುವಳು9

ಶಾರದಾಂಬೆ | ಜಯ ಜಯ | ಶಾರದಾಂಬೆಪ.
ಶಾರದಾಂಬೆ ಅ.ಪ
ನಿರತವು ನೀ ಮನ| ವೊಲಿಯುತಲೆನ್ನಯ |
ಕರುಣಿಯೆ ನೀ ದಯ | ದೋರುತ ಪೊರೆವುದು | ಶಾರದಾಂಬೆ 1
ಹರಿನಾಮಾಮೃತ | ವನುದಿನವೆನ್ನಯ |
ರಸನೆಯು ಸೇವಿಸು | ವಂದದಿ ನೀ ||
ವರಗಳ ನೀ ವಾ| ಗ್ದೇವಿಯೆ ಕರುಣಿಸು | ಶಾರದಾಂಬೆ2
ಮರಣದ ಕಾಲದಿ | ಹರಿಯನು ಬಾಯೊಳು |
ಸ್ಮರಿಸುವ ಜ್ಞಾನವ | ನೀಯುತಲಿ ||
ಶರಣನ ಪೊರೆವುದು | ಪರಮ ಕೃಪಾಕರಿ | ಶಾರದಾಂಬೆ 3
ಮಾಡು ನೀ ಕೃಪೆಯ | ನ್ನನವರತ ||
ಜೋಡಿಸಿ ಕೈಗಳ | ವಿನಯದಿ ಬೇಡುವೆ | ಶಾರದಾಂಬೆ 4
ವೀಣಾಪಾಣಿ | ಕೋಕಿಲ ವಾಣಿ |
ಪನ್ನಗವೇಣಿ | ಬೊಮ್ಮನ ರಾಣಿ ||
ದೀನನ ನುಡಿಗಭಿ | ಮಾನವನೀವುದು | ಶಾರದಾಂಬೆ 5

ಶ್ರೀ ವೇದನಾಯಕಿ - ಭವಾನಿ83ವೇದನಾಯಕಿಆದರದಲಿ ನಿನ್ನಾರಾಧಿಪ ಭಕ್ತರಸಾದರದಲಿ ಸದಾ ಕಾಯ್ವ ಉದಾರಿ ಪಅಮೃತ ಸರಿತ ಕಾವೇರಿ ಭವಾನಿಸುಮ್ಮನೋಹರ ಸಂಗಮ ಕ್ಷೇತ್ರದಲ್ಲಿಅಮಲ ಸ್ಪಟಿಕ ನಿಭ ಕಾಂತಿಮಾನ್ ಈಶಸಮೇತ ವಿರಾಜಿಪ ಸುಮನಸನುತೆ -- ಮನ್ಮಾತೆ ನಮಸ್ತೆ 1ಸ್ನಾನ ಸಂಧ್ಯಾ ಜಪ ಸೇವೆ ಅರ್ಚನೆಗಳುಏನೇನು ಮಾಡದೆ ಹೀನ ಕರ್ಮದಿ ರತಎನ್ನ ಮನ್ನಿಸಿ ಬಹುದಯದಿ ಸದಾ ನೀಘನತರ ಪಾಲಿಸೆ ಮೀನಲೋಚನೆ -- ಮನ್ಮಾತೆ ಕೃಪಾಕರಿ 2ವೇಧನ ಪಿತ ಜಗ ಜನ್ಮಾದಿ ಕಾರಣಆದಿಕೇಶವ ಶ್ರೀ ಸುಂದರೀ ರಮಣ ಪ್ರ -ಮೋದಿ ಗೋಪಾಲ ಪ್ರಸನ್ನ ಶ್ರೀನಿವಾಸಶ್ರೀದನ ಕಾಣಿಸೆ ಖೇಶ ವಲ್ಲೀಶನ ಮಾತೆ -- ಮನ್ಮಾತೆ 3