ನಡೆದು ಬಾರಯ್ಯ ಕೃಷ್ಣ ನಡೆದು ಪ
ಪಕ್ಷಿವಾಹನ ಪರಪೇಕ್ಷಾರಹಿತ ನಿನ್ನ ಕುಕ್ಷಿಯೊಳಗೆ ಜಗ
ರಕ್ಷಿಸುವಾತನೆಂದು ವಕ್ಷಸ್ಥಳದಿ ಶ್ರೀಮಾ-
ರೀಕ್ಷಕನುಳುಹಿದಂತಕ್ಷದಿ ನೋಡುತಧೋಕ್ಷಜ ಹರಿಯೆ 1
ಸತ್ಯವಂತನೆ ಕೇಳಸತ್ಯ ಅಜ್ಞಾನ ಭವ-
ಕತ್ತಲೊಳಗೆ ಬಹಳ ಶತ್ರು ಸಮೂಹದಲ್ಲಿ
ಸುತ್ತಿ ಬಳಲುವೆ ಕೇಳಾಪತ್ತು ಬಾಂಧವ ನಿನ್ನ
ಚಿತ್ತಕ್ಕೆ ತಂದು ಸಮಸ್ತ ಸುರೇಶ ನಿನ್ನ
ಕರಿ ಸರ್ವೋತ್ತಮ ಹರಿಯೆ 2
ಚಾರ ಮಾಡಿದರು ನಿನ್ನಾರು ತಿಳಿಯಲಿಲ್ಲೊ
ಶೂರ ಸುತಗೆ ಸುಕುಮಾರನೆನಿಸಿದಂಥ ಅ-
ಸಮೀರಜ ಭವ ಸುರ
ನಾರದಪ್ರಿಯನೆ ಉದ್ಧಾರಮಾಡು ಎನ್ನನು 3
ಧ್ವಜ ವಜ್ರಾಂಕುಶ ಪಾದಭಜಕರೆನಿಸುವಂಥ
ಸುಜನರ್ವಂದಿತನಾದ ಕುಜನ ಕುಠಾರಿಯೆ ನೀ
ಅಜಮಿಳಗೊಲಿದಂಥಜಗಣೇಂದ್ರನ ಪ್ರಿಯ
ನಿಜವಾಗಿ ನೋಡೆನ್ನ ರಜತಮ ಕಳೆಯುವ 4
ಕಡಲಶಯನನಾದ ಉಡುರಾಜ್ವದನ ಬಿಟ್ಟು
ಭಿಡಿಯ ಭೀಮೇಶ ಕೃಷ್ಣ್ನೆನ್ನೊಡೆಯನೆನುತ ಬಂದ
ಬಡವ ಸುದಾಮಗಿಟ್ಟಿ ಹಿಡಿ ಹಿಡೀ ಎಂದು ಭಾಗ್ಯ
ತಡೆಯದೆ ನಾ ನಿನ್ನಡಿಗಳಿಗೆರಗುವೆ ಕೊಡು
ಕೊಡು ವರಗಳ ಪೊಡವಿ ಪಾಲಿಪನೆ 5

ಮುಂಚೆ ನೋಡಣು ಬನ್ನಿ ಜನಗಳೆ
ಹಂಚಿನಾಳಿನವ ಹನುಮನ
ವಾಂಛಿತಾರ್ಥಗಳೀವ ಭಾವಿ
ವಿರಂಚಿದೇವ ಪದಾರ್ಹನಾ ಪ
ಅಂದು ಕಪಿಕುಲದಿಂದ ದುಸ್ತರ
ಸಿಂಧು ದಾಟಿದ ಧೀರನ
ವಂದಿಸುತ ಭೂನಂದನೆಯು
ಕ್ಷೇಮೆಂದು ರಾಮಗೆ ಪೇಳ್ದನ 1
ಧಾರುಣಿಯೊಳವತರಿಸಿ ಕುಂತಿ
ಕುಮಾರನೆನಿಸಿದ ಧೀರನ
ಕೌರವಾಂತಕನೆನಿಸಿ ಕೃಷ್ಣನ
ಭೂರಿ ಕರುಣವ ಪಡೆದನ 2
ವಾದಿಗಳ ನಿರ್ವಾದ ಗೈಸಿದ
ಬಾದರಾಯಣನ ಶಿಷ್ಯನ
ಭೇದಮತವನು ಸ್ಥಾಪಿಸಿದ ಗುರು
ಮೋದ ತೀರ್ಥ ಯತೀಂದ್ರನಾ 3
ಪಾಲಕಿಯ ಉತ್ಸವದಿ ಮೆರೆಯುತ
ವಾಲಗವ ಕೈಕೊಳುವನ
ಕಾಲಕಾಲಗಳಲ್ಲಿ ಭಜಕರ
ಮ್ಯಾಳವನು ಪಾಲಿಸುವನಾ 4
ಶೇಷಭೂಷಣ ವಾಸವಾದಿಸು
ರೇಶ ಭಕುತರ ಪೋಷನ
ಶ್ರೀಶ ಕಾರ್ಪರವಾಸ ಸಿರಿನರ
ಕೇಸರಿಗೆ ಪ್ರಿಯ ದಾಸನ5