ಇಂದು ನಿನ್ನಯ ಪಾದಾ
ವಂದಿಸುವೆ ನಾನು ಛಂದದಿಂದಾ ಪ.
ಮಂದಾರೊದ್ಧರನ ಪಾದಾ ಸೇವಕರೆಂದೆನಿಸಿದಿ
ದುರ್ಮಾಯವಾದಿಗಳನು ಜಯಸಿದಿ
ಬ್ರಹ್ಮರಾಯನೆಂದೆನಿಸೀದಿ ಅ.ಪ.
ಅಂಜನಿಸುತನೆಂದೆನಿಸಿದೆ
ಸಂಜೀವನವ ತಂದಿ
ಕಂಜಾಕ್ಷಿಮುಖಿಗೆ ಉಂಗುರವನ್ನಿತ್ತಿ
ವನವ ಕಿತ್ತಿ ಸಂಜೀವರಾಯನೆ
ದುರುಳ ರಾವಣನ ಸಂಹರಿಸಿದಿ
ವಿಭೀಷಣನಿಗೆ ರಾಜ್ಯಭಾರದಲ್ಲಿ ನಿಲ್ಲಿಸಿದಿ
ಅಯೋಧ್ಯನಗರಿಗೆ ತೆರಳಿದಿ 1
ಕುಂತಿಯಾ ಕಂದಾ ಕೌರವಾದಿಗಳ ಕೊಂದ
ಯುದ್ಧದಲ್ಲಿ ಪ್ರಚಂಡಾ ಭಾರತಿಗೆ ಗಂಡಾ
ಲಂಡದುಷ್ಯಾಸನನ ತುಂಡು ತುಂಡುಮಾಡಿ ಸೀಳಿದ
ವಿರಾಟ ನಗರದಿ ಸಂಚರಿಸಿದಾ
ಕೀಚಕಾದಿಗಳ ಸಂಹರಿಸಿದಾ
ಪಾಂಚಾಲಿಗೆ ಸೌಗಂಧೀಕುಸುಮವನೆ ತಂದಾ ಆನಂದಾ 2
ಮಧ್ಯಗೇಹನಲ್ಲಿ ಉದ್ಭವಿಸಿದೆಯೋ ನೀ ಇಲ್ಲಿ
ಅದ್ವೈತ ಮತವೆಲ್ಲಾ ಕಾಲಿಲೆ ವದ್ಯೋ
ಗೆದ್ಯೋ ಮಧ್ವಮತವೆಲ್ಲ ಉದ್ಧಾರ ಮಾಡಿದಾ
ಬದರಿಕಾಶ್ರಮಕೆ ಪುನರಪಿ ಪೋದಾ
ವ್ಯಾಸಮುನಿ ಪಾದಕೆ ಅಭಿವಂದಿಸಿದಾ
ಉಡುಪಿಯೊಳು ಕಾಳಿಮರ್ಧನಕೃಷ್ಣನು ನಿಲ್ಲಿಸಿದಾ 3

ನೋಡಿದೆ ಹರನಾ ನೋಡಿದೆ ಪ.
ಹರನ ಕೊಂಡಾಡಿದೆ ಪಾದಪಾವನ್ನ ರೂಢಿಯೊಳಗೆ ಇಂಥಾ
ಈಡಿಲ್ಲ ಶಿವನಾ ಜೋಡಿಶಿರವ ಬಾಗುವೆನಾ ಶಿರವಾ ಅ.ಪ.
ಶುಕ ದೂರ್ವಾಸ ರೂಪದ ರುದ್ರಾ ನೀನು
ಅವತಾರ ತಾಳಿದ್ಯೊ ವೀರಭದಾ
ಮಥನವಾ ಮಾಡಲು ಸಮುದ್ರಾ
ನೀನು ವಿಷಪಾನ ಮಾಡಿದ್ಯೊ ಆದ್ರ್ರಾ || ಆಹಾ||
ನೀಲಕಂಠನಾಮವು ಬಂದವು
ನಿನ್ನ ನೋಡುವರ ಮನಕೆ ಆನಂದವ ಕೊಡುವುದು ಜಗಕೆ 1
ಕರದಲಿ ಡಮರು ತ್ರಿಶೂಲಗಳಿಂದಾ
ನೀನು ಶೋಭಿಪಿಯೋ ಬಲುಛಂದಾ
ಗಳದಲ್ಲಿ ದ್ರಾಕ್ಷಾಮಾಲೆಗಳಿಂದಾ
ನಾಗಭೂಷಣಾಯಿಂದಾ || ಆಹಾ||
ಶಿರದಾ ಜಡಿಯೋಳು ಗಂಗಿಯ ಧರಿಸಿದ
ಧೀರನು ಹರಿಯಾ ರೂಪಕೆ ಮರುಳಾದ ಶಂಕರನ 2
ಕೈಲಾಸಪುರಧೀಶ ವಾಸಾ
ನೀನು ಸರ್ವರಮನಕೆ ಉಲ್ಲಾಸ
ನೀನು ಸತಿಗೆ ತಾರಕ ಮಂಗಳ ಉಪದೇಶಾ
ಸ್ಮಶಾನವನು ಕಾಯ್ದ ಹರಿದಾಸಾ || ಆಹಾ||
ನಂದಿವಾಹನನಾಗಿ ಆನಂದಾದಿ ಮೆರೆಯುವ
ಸಿಂಧುಶಯನನ ಕಾಳಿಮರ್ಧನಕೃಷ್ಣನ ತಂದು ತೋರಿಸುವನ 3