ಎಷ್ಟು ದಿವಸ ಹೀಗೆ ಕಳೆಯಲೊ ಗೋಪಾಲಕೃಷ್ಣ
ಎಷ್ಟು ದಿವಸ ಹೀಗೆ ಕಳೆಯಲೊ ಪ.
ಎಷ್ಟು ದಿವಸ ಹೀಗೆ ಎನ್ನ ಸೃಷ್ಟಿಗೊಡೆಯ ಬಳಲಿಸುವೆಯೊ
ಕಷ್ಟಪಡಲಾರೆ ಭವದಿ ದೃಷ್ಟಿಯಿಂದ ನೋಡಿ ಸಲಹೋ ಅ.ಪ.
ನಾನಾ ಜನ್ಮದಿ ತೊಳಲಿಸಿ ಎನ್ನನು
ನೀನೆ ತಂದೆಯೊ ಮಾನವತ್ವದಿ
ನಾನು ಎಂಬುದು ಬಿಡಿಸಿ ಈಗ
ನೀನೆ ಕರ್ತನೆನಿಸಿ ಕಾಯೋ1
ದೇಹಸ್ಥನೆಂದೆನಿಸಿ ಎನ್ನ
ದೇಹ ಮಧ್ಯದಿ ಕಾಣದಿಹರೆ
ದೇಹಗಳನು ಧರಿಸಲಾರೆ
ದೇಹ ಮೋಹ ಬಿಡಿಸದಿಪ್ಪರೆ 2
ಭೃತ್ಯವತ್ಸಲನೆಂದು ನಿನ್ನ
ಭಕ್ತರೆಲ್ಲರು ಕರೆಯುತಿಹರೊ
ಪೊತ್ತ ಬಿರುದು ಬಿಡುವರೇನೊ
ಭೃತ್ಯಳೆಂದು ಎನ್ನ ಸಲಹೊ3
ಪೋಗುತಿದÉ ದಿವಸ ನೋಡು
ಬೇಗ ಬೇಗನೆ ದಯವ ಮಾಡು
ಭೋಗದಲಿ ವೈರಾಗ್ಯ ನೀಡು
ಭಾಗವತರ ಸಂಗ ಕೊಡು 4
ಕರ್ಮದಲ್ಲಿ ಶ್ರದ್ಧೆಯಿಲ್ಲ
ಧರ್ಮದಲ್ಲಿ ಬುದ್ಧಿಯಿಲ್ಲ
ನಿರ್ಮಲದ ಜ್ಞಾನವಿಲ್ಲ
ನಿರ್ಮಲಾತ್ಮ ಬಲ್ಲೆಯಲ್ಲ 5
ಅಂಧಕಾರದಿ ಎನ್ನನಿರಿಸಿ
ಚಂದವೇನೋ ಹೀಗೆ ಮಾಳ್ಪದು
ಕರ್ಮ ಸ್ವೀಕರಿಸಿ
ಮುಂದೆ ಕರ್ಮವಿಡದೆ ಸಲಹೋ 6
ಅಪಾರ ಜನುಮದಲ್ಲಿನ
ಪಾಪ ಸಮೂಹಗಳ ತರಿದು
ಶ್ರೀಪಾದ ಸ್ಮರಣೆ ನೀಡೋ
ಗೋಪಾಲಕೃಷ್ಣವಿಠಲ 7

ದಯ ಬಾರದೇಕೋ ಹರೀ | ಹೇ ಮುರಾರೀ ಪ
ದಯಾ ಪೂರ್ಣನೆಂದೂ | ತ್ರಯ ಪೇಳ್ವುದಯ್ಯ ಅ.ಪ.
ವೈರಿ ಪ್ರೀತ ||ಯಾಮ ಯಾಮಕೆ ತವ | ನಾಮ ಸ್ಮøತಿಯನಿತ್ತುಕಾಮ ಜನಕ ಸಾರ್ವ | ಭೌಮನೆ ಕಾಯೋ1
ವಸ್ತುವೆಂದರೆ ನೀನೆ ಸರಿ | ನೀನೆ ದೈತ್ಯಾರಿಸ್ವಸ್ತಿವಾಚಕ ಶ್ರೀ ಹರೀ | ಹೇ ಶೌರೀ ||ವಾಸ್ತು ದೇವರೊಳು | ಶಿಸ್ತಿಗೆ ಬಿಂಬಿಸೆವಾಸ್ತು ನಿರ್ಮಾಣಕೆ | ಅಸ್ತು ಎಂದೆನಿಸೋ2
ಧಾನ್ಯದನಾಗೀಹ | ಧಾರುಣಿ ಎನಿಸೀಹಮಣ್ಣಿಗೆ ಪರ್ಯಾಯ | ಹೊನ್ನನಿತ್ತಿಹೆ ಜೀಯನಿನ್ನರ್ಚನೆಯ ಗೃಹ | ವನ್ನೂ ನಿರ್ಮಿಸಿ ಪೊರೆಮಾನ್ಯ ಮಾನದ ಗುರು | ಗೋವಿಂದ ವಿಠಲನೆ 3