ಬೇಗನೆ ಬಾರೊ ಶ್ರೀ ಹರಿಯನೆ ತೊರೋ
ಶ್ರೀ ಗುರುವೇ ದಯದಿ ಪ.
ಬೇಗನೆ ಬಾರೊ ಯೊಗಿಗಳೊಡೆಯ
ನಾಗಶಯನ ಪ್ರೀತ ತ್ವರಿತದಿ ಅ.ಪ.
ಭಕ್ತರೆಲ್ಲರು ನಿಮ್ಮ ದಾರಿಯನೆ ನೋಡುತಾ-
ಸಕ್ತಿಯಿಂದಿರುತಿಹರೊ
ಮೋದ ಗುರುವೆ ನಿಮ್ಮ
ಶಕ್ತಿಗೆ ಎದುರ್ಯಾರೊ ಧರೆಯೊಳು 1
ಕಾಣದೆ ಕಂಗಳು ಕಾತರಗೊಳ್ಳುತ
ತ್ರಾಣಗೆಡುತಲಿಹವೊ
ಪ್ರಾಣವ ರಕ್ಷಿಪ ಪ್ರಾಣಪತಿಯ ಪ್ರಿಯ
ಕಾಣೆ ನಾನನ್ಯರನಾ ಜಗದೊಳು 2
ಪರಮಪ್ರಿಯರು ಎಂದು ಪರಮ ಬಿರುದು ಪೊಂದಿ
ಪರಮಾತ್ಮನನು ಕಂಡು
ಪರಮಾತ್ಮ ತತ್ವ ಪರಮಯೊಗ್ಯರಿಗರುಹಿ
ದುರಿತ ತ್ವರಿತದಿ 3
ಕಮಲಾಕ್ಷನನು ಹೃತ್ಕಮಲದಲಿ ಕಾಂಬ
ಕಮಲಾಪ್ತ ಅತಿ ಪ್ರೀತ
ಕಮಲಸಂಭವಪಿತ ಕಮಲಾಕ್ಷ ಹರಿಯ ಹೃ
ತ್ಕಮಲದಲಿ ತೋರೋ ಗುರುವರ 4
ಗೋಪಾಲಕೃಷ್ಣವಿಠ್ಠಲನ ಸೌಂದರ್ಯದ
ರೂಪವೆನಗೆ ತೋರೊ
ತಾಪವ ಹರಿಸುತ ಕಾಪಾಡಬೇಕೆಂದು
ನಾ ಪ್ರಾರ್ಥಿಸುವೆ ಗುರುವೆ ತ್ವರಿತದಿ 5

ವಿದ್ಯಾಕಾಂತಯತಿಗಳ ಕೀರ್ತನೆ
ಕಾಪಾಡಬೇಕೆಂದು ಗೋಪಾಲ ಕೃಷ್ಣಗೆ
ನೀ ಪೇಳಬಾರದೆ ರುಕುಮಿಣಿ ನೀ ಪೇಳಬಾರದೆ ಸತ್ಯಭಾಮ ಪ
ಪಾಪ ಮಾಡುವನೆಂದು ಕೋಪ ಮಾಡಿದಿರೆಂದು
ನಾ ಪಾದಪದುಮಕ್ಕೆ ಶರಣೆಂಬೆ ತಾಯೆ 1
ನಿಮ್ಮ ನುಡಿಗಳಿಂದ ಸಮ್ಮತಿಸುವ ದೇವ
ಸುಮ್ಮನೆ ತಿಳಿಸೆನ್ನ ಹಡದಮ್ಮ ತಾಯೆ 2
ಏನೊ ಪೇಳಿದನೆಂದು ನೀನೂಪೇಕ್ಷಿಸದಲೆ
ಜಾನಕಿದೇವಿ ಪೇಳೆ ರಘೂಪತಿಗೆ ತಾಯೆ3
ಪಾದ ನಂಬಿದವರಿಗೆ ಮೋದವ ಕೊಡುವಂಥ
ವೇದವ್ಯಾಸಗೆ ರಮೆ ತಿಳಿ ಹೇಳೆ ತಾಯೆ 4
ವಿದ್ಯಾಕಾಂತನ ಮನವಿದ್ದಂತೆ ಒಲಿಯುವ
ಸದ್ದಯಾನಿಧಿ ನಮ್ಮ ನರಸಿಂಹ ತಾಯೆ 5
(ವಿದ್ಯಾಕಾಂತತೀರ್ಥರು (1824)
ವ್ಯಾಸರಾಜ ಮಠದ 16 ನೇ ಯತಿಗಳು)