ಕರುಣಿಸು ಕಮಲಾಸನ ಮಾತಯೆ ನೀಂ ಕರಧೃತ ವರ ಕಮಲೆ ಪ
ಶರಣವ ಪÉÇಂದಿಹೆ ಕರುಣದೊಳೀಕ್ಷಿಸು ವರದೆ ವರಲಕ್ಷ್ಮಿ ಅ.ಪ.
ಕುಸುಮ ಧೂಪಾವಳಿಯಿಂದಲಿ ಸುಂದರಿ ಪೂಜಿಪೆನು
ಬಂಧುರಗಾತ್ರಿಯೆ ಅಂದದೊಳೆನ್ನಯ ಮಂದಿರದೊಳಗಿಹುದು 1
ಶ್ರಾವಣ ಮಾಸದಿ ಭಾವಕಿ ನಿನ್ನನು ಭಾವದಿ ಭಾವಿಸುತ
ತಾವಕ ಪಾದವ ಪ್ರೇಮದಿ ಪೂಜಿಪೆ ದೇವಿಯೆ ಒಲಿಯುವುದು 2
ಚಂದನಭೂಷಿತೆ ಸುಂದರ ಗಾತ್ರೆಯ ಮಂದಹಾಸಮೊಲಿಯೆ
ಚಂದದ ಕಿಂಕಿಣಿಯಂದದರವದೊಳ್ ಬಂದು ದಯಂಗೆಯ್ಯೆ3
ಹರಿಮಾನಸ ಮೋಹದ ಪ್ರಾಣೇಶ್ವರಿ ಹರಸುತ ವರಗಳಿಂದ
ವರಧೇನುನಗರ ವರಜನ ಪೋಷಿಣಿ ಕರುಣಾಕರೆ ವರದೆ4

ಕಾಮಿನೀಮಣಿ ರಾಮಭಾಮಿನಿ ಪ
ಸೋಮಬಿಂಬ ವದನೆಯೆ ಸೀತೆಯೆ ಅ.ಪ.
ಪಾವಮಾನಿ ಮನೋವಾರಿಜಾಶ್ರಿತೆ
ದೇವತಾವಳೀ ದೇವಸನ್ನುತೆ ದೇವಬೃಂದ ವಂದಿತೆ ಸನ್ನುತೆ 1
ಭಕ್ತವತ್ಸಲೆಯೆ ಶಕ್ತಿರೂಪೆಯೆ
ಮಾರ್ಗವಿಶದೆಯೆ ಮಾತೆಯೆ 2
ವರಧೇನುಪುರಿ ಪರಮೇಶ್ವರಿ ವರದಾಯಿನಿ ವರಲೋಕಪಾಲೆ
ಕರುಣಾಕರೆ ವರರಾಮ ಜಾಯೆ ಪರಿಪಾಲಿತಾಶ್ರಿತೆ ಸುರನುತೆ 3

ಜಗದಂಬಿಕೆ ಪೊರೆ | ಭವಾನಿ | ಅಘಸಂಹರೆ |
ಲೋಕೈಕ ಮಾತೆ ಪ.
ಪರಮ ಪಾವನೆ | ಗೌರಿ ಮನೋಹರೆ ||
ಪರಮೇಶ್ವರಿ | ಕರುಣಾಕರೆ ಶ್ರೀಅ.ಪ.
ಸುಂದರಾಂಗಿಯೆ ||
ಚಂದದೀ ಪೊರೆ | ಚಂದ್ರಚೂಡಪ್ರಿಯೆ1
ಆದಿಶಕ್ತಿ ದೇವಿ ಆದಿನಾರಾಯಣಿ |
ಮೋದದೀ ಪೊರೆ | ಮೋದದಾಯಕಿಯೆ2
ಶಂಖಚಕ್ರಧರೆ | ಕಿಂಕರಪ್ರಿಯಕರೆ ||
ವೆಂಕಟೇಶನಾ | ಸೋದರಿ ಶಂಕರಿ3

ಬರುವ ಸಂಭ್ರಮವನ್ನು ನೋಡಿ
ಪರಮ ಕರುಣಾಕರೆಯ ಪಾಡಿ ಪ.
ಹೆದ್ದಾರಿ ಮಧ್ಯದಿ ಸ್ವಾರಿ ಬರುತಾ
ದಾರಿದ್ರ್ಯ ದೈನ್ಯವೋಡಿಸುತಾ
ಸ್ವರ್ಣಧಾರೆಯನು ಸರ್ವತ್ರ ತರುತಾ
ಸಾರಿಸಾರಿಗೆ ವರವ ಕೊಡುತ 1
ಶುಕ್ಲನಭಮಾಸಭೃಗುವಾಸರದಲಿ
ಶುಭಲಗ್ನಸಂಜೆ ವೇಳ್ಯದಲಿ
ವಿಭವದಲಿಪೂಜಿಸುವುದೆಂದು
ವಲ್ಲಭೆಗೆಂದ ವಚನ ತಿಳಿದಿಂದು 2
ಲಕ್ಷ್ಮೀದೇವಿಯನು
ತನ್ನ ದಾಸರನು
ಮೀಸಲಳಿಯದ ಸೌಖ್ಯಗಳನು
ಮೆರೆವುದನು 3

ಭುವನವಿಖ್ಯಾತೆ||
ಪಾಲಿಸು ಪರತರ| ಪಾವನೆ ಮಾತೆ ಪ
ಕಾಳಿಯೆ ಕರುಣಿಯೆ| ಶೀಲಸಂಪನ್ನೆಯೆ||
ಖಳಕುಲನಾಶಿನಿ | ಜಲಜಾಂಬಿಕೆಯೆ ಅ.ಪ
ಸುರ ನರ ಕಿನ್ನರ| ಉರಗರು ಸೇವೆಯ||
ನಿರುತವು ಸಲಿಸುವ| ಪರಮೇಶ್ವರಿಯೆ 1
ಚರಣವ ಭಜಿಸುವ| ಶರಣರ ಪೊರೆವ||
ಬಿರುದನು ಪಡೆದ| ಕರುಣಾಕರೆಯೆ2
ಶಂಕರಿ ಶುಭಕರಿ|| ಶಂಕರಪ್ರಿಯಕರಿ||
ಕಿಂಕರಪಾಲಯೆ| ಪಂಕಜಮುಖಿಯೆ 3
ಕರಿವರಗಮನೆಯೆ| ಕರಿಮುಖಜನನಿಯೆ||
ಕರುಣದಿ ಪಾಲಿಸು| ಕಟಿಲೇಶ್ವರಿಯೆ4

ಲಕ್ಷ್ಮೀದೇವಿ
13 ಭಾಗ್ಯವ ಕೊಡು ತಾಯೆ ಪ
ಭಾರ್ಗವಿ ನಿನ್ನಯ| ಪದಯುಗಕೆರಗುವೆ|
ಭಾಗ್ಯದ ಲಕ್ಷ್ಮೀ ಸೌ| ಭಾಗ್ಯದ ನಿಧಿಯೇ ಅ. ಪ
ಸಾಗರಸಂಜಾತೆ| ದೇವಿ| ನಾಗವರದಪ್ರೀತೆ ||
ಯೋಗಿಜನಾವಳಿ| ಮಾನಸಪೂಜಿತೆ |
ಅಗಣಿತಗುಣಮಣಿ| ತ್ರಿಜಗದ್ವಂದಿತೆ 1
ಸುರುಚಿರಸುಮಗಾತ್ರೆ | ದೇವಿ| ಹಿಮಕರನಿಭವಕ್ತ್ರೆ ||
ಕಿನ್ನರ | ಸುರಮುನಿ ಪೂಜಿತೆ |
ಕಾಮಿತವೀಯುವ || ಕರುಣಾಕರೆಯೆ 2
ಜನನಿಯೆ ನಿರತವು ನೀ | ಪ್ರೇಮವ | ನಿರಿಸುತಲೆನ್ನೊಳು ನೀ |
ಕನಕದ ವೃಷ್ಟಿಯ | ಕರೆಯುತಲನುದಿನ |
ಮನ್ಮನದಿಷ್ಟವು | ಸಿದ್ಧಿಸುವಂದದ 3
ಅಹಿಪತಿ ಶಯನನಿಗೆ | ಮೋಹದ | ಮಹಿಷಿಯು ನೀನಾಗೆ ||
ಮಹಿಮಾಕರೆ ನೀ | ಮಹಿಯೊಳಗನಿಶವು |
ಇಹಪರ ಸುಖವನು | ಭವಿಸುವ ತೆರದಾ 4
ಅಜಭವಸುರವಿನುತೆ | ದೇವಿ | ಸುಜನಾವಳಿಪ್ರೀತೆ ||
ಗಜವಾಹಿನಿ ವರ | ಮದಗಜಗಮನೆಯೆ |
ವಿಜಯವಿಠಲಪ್ರಿಯೆ ಶ್ರೀ ಗಜಲಕ್ಷ್ಮಿಯೆ 5
ಶುಭ | ಮಂಗಳೆ ಸುಪವಿತ್ರೆ ||
ಮಂಗಳಾಂಗಿ ನರ | ಸಿಂಗನ ರಮಣಿಯೆ |
ಮಂಗಳಕಾರ್ಯಗ | ಳನುದಿನವೆಸಗುವ 6
ಪಂಕಜದಳನೇತ್ರೆ | ದೇವಿ | ಕಿಂಕರನುತಿಪಾತ್ರೆ ||
ಶಂಖಚಕ್ರಾಂಕಿತ | ಶ್ರೀ ವೈಕುಂಠನ |ಅಂಕದಿ ಮೆರೆವಖಿ | ಳಾಂಕ ಮಹಿಮಳೇ 7