ಉದ್ದರುಸುವದೆನ್ನ ಉದಧಿಶಯನ |
ಪಾದ |
ಪದ್ಮದ್ವಯಕೆಯಿಂದು ಪ
ಅಂದು ನೀ ಪೇಳಿದಂದಲಿ ತೀರ್ಥಯಾತ್ರೆ |
ನಿಂದರದೆ ಸಂಚರಿಸಿ ಪುಣ್ಯವೆಲ್ಲಾ |
ತಂದು ನಿನಗರ್ಪಿಸಿದೆ ಕೈ ಕೊಂಡು |
ತೋರು ತಡಮಾಡದಲೆ ದೇವಾ 1
ಯಾತರವ ನಾನು ನರಮನೆ ಗಾಯಕರ
ದೂತರೆಂಜಲನುಂಡು ಬೆಳದ ನರನೋ ||
ನೋತ ಫಲವಾವದೊ ನೀನೆ ಬಲ್ಲೆಯಾ ಜೀಯಾ |
ಮಾತು ಮಾತಿಗೆ ಹಿಗ್ಗಿ ನಗುವ ಚನ್ನಿಗರಾಯಾ2
ಇಷ್ಟೆನ್ನ ಮನದ ಭೀಷ್ಟೆ ಒಂದೆ ವುಂಟು |
ಕೃಷ್ಣಾ ಸ್ನಾನ ಕೃಷ್ಣ ಸಂದರುಶನಾ |
ಕೊಟ್ಟು ಕೇವಲವಾಗಿ ನಿನ್ನಂಘ್ರಿಯಲಿ ರತಿ |
ಇಟ್ಟು ಭಜಿಸುವಂತೆ ಭಾಗ್ಯವನು ಕೊಡೊವೇಗಾ3
ಏನು ಕಡಿಮೆ ನೀನು ಒಲಿದರಾದಡೆ ರಾಮ |
ಧೇನು ತರುಮಣಿ ಬಾರದೆ ನಿಲ್ಲವೇ ||
ಶ್ರೀನಿವಾಸನೆ ನಿನ್ನ |
ಲೇಶ ಸುಖವು ತೋರದು ದೇವಾ 4
ವೆಂಕಟಗಿರವಾಸಾ ವೇದ ವಂದಿತ ಚರಣಾ |
ಶಂಖ ಚಕ್ರಪಾಣಿ ಕರುಣಾಕರಾ |
ಶಂಖಾಣ ನೃಪವರದ ವಿಜಯವಿಠ್ಠಲ ತಿಮ್ಮ
ಅಂಕದ ಮೇಲಾಡುವ ಬಾಲನೆಂದು ಬಿಡದೆ 5

ಎನ್ನ ಪಾಲಿಸೋ ಕರುಣಾಕರಾ|
ಪನ್ನಗಶಯನ ಗದಾಧರಾ ಪ
ವಸುದೇವ ನಂದನ ಹರಿಮಧುಸೂದನ|
ಅಸುರಾಂತಕ ಮುರಲೀಧರ,
ಬಿಸರುಹನಾಭ ಸರ್ವೇಶನೆ ಮುನಿ|ಮಾ
ನಸ ಸಂಚಾರ ರಮಾಧವಾ 1
ಪರಮ ಪುರುಷ ಉರಗಾಸನ ವಾಹನಾ|
ಕರುಣಾರ್ಣವ ವಡವಾನಳಾ||
ಸರಸಿಜಭವ ಗಿರಿಜಾವಲ್ಲಭನುತ|
ವರಸುಜನಾವಳಿ ಪಾಲನಾ 2
ಕಾವನ ಪಿತ ಮುಚಕುಂದ ವರದ ರಾ|
ಜೀವ ನಯನ ನಾರಾಯಣಾ|
ಶ್ರೀವತ್ಸಲಾಂಛನ ಗುರುಮಹೀಪತಿ ಸುತ
ಜೀವನ ಸಖ ಶ್ರೀ ಕೃಷ್ಣನೆ3

ಕರುಣಾಕರಾ ಕಮಲಾರಮಣ
ಕರಿರಾಜ ಬಂಧನ ಹರಣಾ
ಸುರ ಬ್ರಹ್ಮ ಮುಖಾರ್ಚಿತ ಚರಣಾ
ಶರಣಾಗೆಲೋ ದೀನೋದ್ಧರಣಾ ಪ
ಅತಿಸುಂದರ ನಂದ ಕುಮಾರಾ
ಸುತ ನಾಗೈ ತಂದನು ಮಾರಾ
ಅತನೇ ಕುಸುಮದ ಶರೀರಾ
ಸುತ ಸದ್ಗುಣ ಗಣ ಮಂದಾರಾ
ಪ್ರತಿಯುಗದಲಿ ಧರಿಸೈವತಾರಾ
ಕ್ಷಿತಿಯೊಳು ಪಾಲಿಪ ಸುರನಿಕರಾ 1
ಜಲಧಿ ಯೊಳಗೆರಡು ರೂಪಾದೆ
ಸಲೆ ವೇದಾಮೃತವನು ತಂದೆ
ಬಲಿದೀ ಕ್ರೂರಾಂಗವ ವಿಡಿದೆ
ಇಳೆಸಲೆ ಪ್ರಲ್ಹಾದರ ಹೊರೆದೆ
ನೆಲೆ ಪ್ರಥಮಾಶ್ರಮದಲಿ ನಿಂದೇ
ಬಲಿ ಜಮದಗ್ನ್ಯರ ತೋಷಿಸಿದೆ 2
ಎರಡನೆ ವರ್ಣದೊಳಗೆ ಜನಿಸಿ
ಸುರ ಪಾಂಡವರೇಳಿಗೆ ಬಲಿಸಿ
ನೆರೆ ಅಂತ್ಯಯುಗದಿ ಅವತರಿಸಿ
ಪುರಹರ ದ್ವಿಜರಭಿಮತ ಸಲಿಸಿ
ಗುರು ಮಹಿಪತಿ ಪ್ರಭು ಕರುಣಿಸಿ
ಹೊರಿಯೋ ನಿನ್ನೆಚ್ಚರ ನಿಲಿಸಿ 3

ಪರಮೇಶ್ವರಾ ಕರುಣಾಕರಾ
ಗಿರಿಜಾಪ್ರಿಯ ಸೋಮಶೇಖರಾ ಪ
ಸಾರ ಶರನಿಧಿ ಗಂಭೀರ
ಸ್ಮರಹರಾ ಉದಾರ, ಪಾಹಿಶಂಕರ ಅ.ಪ
ಕಮಲಾಕ್ಷ ಮಿತ್ರ ಕಮನೀಯಗಾತ್ರ
ಅಮರಾರಿ ವೇತ್ರ ವಿಮಲಾ ತ್ರೀನೇತ್ರಾ
ರಮಣೀಯ ಚಾರಿತ್ರ ಹಿಮಶೈಲಜಾಪಾತ್ರ
ಅಮರೇಂದ್ರನುತ ಗೋತ್ರ ಶರಣಾತಪತ್ರ 1
ಉರಗ ವಿಭೂಷಣ ಪರಿಜನ ತೋಷಣ
ಸುರನದಿ ರಮಣಾ ಭವಭಯ ಭೀಷಣ
ದುರಿತ ನಿವಾರಣ ಪರಮ ಕೃಪಾಗುಣ
ಪರಶಿವ ಮಾಂಗಿರಿಶೃಂಗಾಭರಣಾ 2

ಪರಮೇಶ್ವರಾ ಸೋಮಶೇಖರಾ ಪ
ಗಿರಿಜಾವರಾ ಕರುಣಾಕರಾ ಅ.ಪ
ಆದಿಮೂಲಾ ದೇವಾದಿದೇವಾ ಶಿವ
ನಾದರೂಪ ಜೀವಾದಿಜೀವ ಶಿವ
ವೇದವಿದಿತ ವೇದಾಂತರೂಪ ಶಿವ
ವಾದವಾಕ್ಯ ಮಹಾಹ್ಲಾದ ವೈಭವಾ 1
ಅಂಗಜಾರಿ ಚರ್ಮಾಂಬರಧಾರಿ
ರಂಗನಾಥ ಮಾಂಗಿರಿ ಸಂಚಾರಿ
ಪಾತಕ ಪರಿಹಾರಿ
ಲಿಂಗರೂಪ ಶುಭಕಾರಕ ಶೌರಿ2

ಬಾರೋ ಬಾರೋ ರಂಗಾ ಪ
ಬಾರೈಯ್ಯಾ ಯದುವೀರಾ | ಈರೇಳು ಭುವನಾಧಾರಾ |
ಶ್ರೀ ರಮಣಿಯ ಮನೋಹರಾ | ವಾರಣ ಭಯ ನಿವಾರಾ |
ಕರುಣಾಕರಾ | ದೀನೋದ್ಧಾರಾ | ಸರ್ವಾಧಾರಾ |
ಪರಮ ಉದಾರಾ | ಸುರಸಹತಾರಾ | ದಯಾಸಾಗರ 1
ಒದಗುವೆ ಸ್ಮರಣೆಗೆ ನೇಮಾ | ಮದನಜನಕ ಮಹಮಹಿಮಾ |
ಜೀಮೂತ ಶಾಮಾ |
ಸದ್ಗುಣ ಧಾಮಾ | ಪೂರಿತ ಕಾಮಾ |
ತ್ರಿವಿಕ್ರಮಾ | ಅನಂತ ನಾಮಾ | ಲೋಕಾಭಿರಾವi 2
ಅಸುರ ಕುಲ ಸಂಹರಣಾ | ಬಿಸರುಹ ಸಖ ಶತ ಕಿರಣಾ |
ಅಸಮನೆ ಮಹಿಪತಿ ಸುತನಾ | ಪೋಷಿಸುವೆ ನೀ ಪರಿಪೂರ್ಣ
ಖಗವರ ಗಮನಾ |
ಮೃದುತರ ಚರಣಾ | ಅಹಲ್ಯೋದ್ಧರಣಾ | ಕನPsÀರಣಾ 3

ಮಾತ್ರೆಯಿದು ಸಜ್ಜನರಿಗಾರೋಗ್ಯ ಮಾತ್ರೆ
ಸೂತ್ರ ನಾರದನಿದಕೆ ನೆನಪಿನಾ ಮಾತ್ರೆ ಪ
ಸಾರ ಪಾಕಗಳಿಲ್ಲ
ಊರೂರಿಗೊಯ್ವುದಕೆ ಭಾರವಲ್ಲ ಅ.ಪ
ಚಾರು ಚೂರ್ಣವಿದಲ್ಲ | ನೀರೊಳಲೆದುದು ಅಲ್ಲ
ಕ್ಷಾರ ಹುಳಿ ಕಹಿಯಿಲ್ಲದೈಶ್ವರ್ಯದಾ ಮಾತ್ರೆ 1
ಇಂದಿರಾಪತಿಯೆಂಬ ಚಂದ್ರೋದಯದ ಮಾತ್ರೆ
ಮಂದರೋದ್ಧಾರನೆಂಬ ಸಿಂಧೂರಮಾತ್ರೆ 2
ನಾರಾಯಣಾಯೆಂಬ ನೀರ ಬೆರಸಿರೋದಿದಕೆ
ಸಾರತರ ರಸಪಾಕ ತೋರುವಾ ಮಾತ್ರೆ3
ಶ್ರೀರಮಣನೆಂಬ ಮಧುಸೇರಲಾ ಮಾತ್ರೆಗಳ
[ಮೂರೊತ್ತು ಸೇವಿಸೆ ಮನಕಹುದು ಹಿತ] 4
ಕರುಣಾಕರಾಯೆಂಬ ವರಸಕ್ಕರೆಯ ಬೆರಸಿ
ಶರಣಜನವರದನೆಂದೊರೆವರು ಸದಾ 5
ಪರಮಾತ್ಮನೆಂಬ ಒರಳೊಳ್ ಹರಿಯೆಂಬ ಗುಂಡಿನಿಂದ
ಅರೆದೊಡದು ಕೇಳಾ ಮಾಂಗಿರಿರಂಗನೆನಿಪಾ 6

ಶ್ರೀಕಾರ ಶೃಂಗಾರ ಶ್ರೀಮಾಮನೋಹರ
ಓಂಕಾರ ಸಾಕಾರ ಪರಮೇಶ್ವರಾ ಪ
ಗಂಭೀರ ಝೇಂಕಾರ ಮುರಳೀಧರ ಗುಣ
ಸುಕುಮಾರ ಬೀರ ಕರುಣಾಕರಾ ಅ.ಪ
ಕಂಸಾರಿ ನರಕೇಸರಿ
ಶುಭ ಜಂಭಾರಿ ಗಿರಿಧಾರಿ ದುರಿತಾರಿ ಶ್ರೀ ಮಾಂಗಿರೀ 1