ಬಾರಯ್ಯಾ ಗೋವಿಂದಾ | ಬಾರೋ ನಂದನ ಕಂದಾ ಪ
ಕನಕಗರ್ಭನ ತಂದೆ | ಕನಕಮೃಗವ ಕೊಂದೆ |
ಕನಕಾಂಬರಧರ | ಕನಕನಯನ ಹರ |
ಕನಕವಕ್ಕಿಗಮನ | ಕನಕಾಭರಣ1
ಹರಿಯಾನಂದನ ಕೊಲಿಸಿ | ಹಿರಯಾನಂದನನುಳಿಸಿ |
ಹರಿಯಾ ಸುತನುತ | ಹರಿಯಾ ರಿಪುಸುತ |
ಹರಿಯೇ ಬಾಯೆನೆ ಹರಿಯಾದೆ 2
ಗೋಕುಲವರಾಧಾರಾ | ಗೋಕುಲ ವಿಹಾರಾ |
ಗೋಕರ್ಣ ಶಯನಾ | ಗೋಕೋಟಿ ತೇಜಾ |
ಮಹಿಪತಿ ಸುತ ಪ್ರಭು ಗೋಪಾಲಾ 3

ಶ್ರೀರಾಮನಾ ಅಡಿವಿಡಿವೆನು ನಾ ಶ್ರೀರಾಮನಾ ಪ
ನುಡಿಯಂತೆ ಮಾತೆಯಾ ಮಡದಿಯಿಂದೊಡಗೂಡಿ
ಬಿಡದೆ ನಡೆದನವನಡವಿ ವಾಸಕೆ 1
ಕನಕಮೃಗವ ತೋರಿ ಸೊಣಕ ರಾವಣ ತಾನು
ಜನಕ ಸುತೆಯ ನಿಜ ವನಕೆ ಕೊಂಡು ಪೋದಾ 2
ಕಾಣಾದೆ ಸತೀಯಳೇ ಮಾಣಾದೆ ಪುಡುರೆದಾ (?)
ದಾನವನೆಡೆ ಪೇಳ್ದ ಮಾನಿಜಟಾಯು 3
ಲಂಕಾ ಪತ್ತನಕೆ ತಾ ಹುಂಕಾರಿಯುರಿ ಇರ್ಕೆ
ಬಿಂಕದಿ ತಾ ರಾಮನಂಘ್ರಿಗೆರಗಿದಾ 4
ಶರಧಿ ಹಾದಿಯ ಮಾಡಿ
ವರರಾಮನೊಡಗೂಡಿ ಲಂಕೆಗೆ ನಡೆದರು 5
ಜಗದೀಶ ರಾಮಾನೆಂದು ಮುಗುದಾ ಹನುಮ ಕರಾ
ಜಗಜ್ಜನನಿಗೆ ಇತ್ತ ಸೊಗಲು ಪುಂಗುರಾ 6
ಶರಥಸುತನಿಗೆ ವಸುಧೆಯೊಳ್ಸಮರಾರು 7
ಅನಲಾಮುಖದಿ ತಾನು ವನಿತೇಯ ಕೂಡಿದಾ
ಘನಮಹಿಮನ ಲೀಲೆ ಮನುಜರರಿವರೇ 8
ಮನಮುಟ್ಟಿ ಭಜಿಸೀದ ಮನುಜಗೊಲಿದ ನಿಜ
ಘನಮಹಿಮನು ಶ್ರೀ ನರಸಿಂಹವಿಠ್ಠಲಾ 9