ಇದು ಏನೊ ನಿನ್ನ ಮತೀ ಮತೀ | ಇದರಿಂದಾಗದು ಗತೀ ಗತೀ ಪ
ಸತಿ ಸುತರಿಂದಲಿ ಗತಿಯನ್ನು ಪಡೆದ ಕೇಳ ಬಲ್ಲೆಯಾ ಕಥೀ ಕಥೀ1
ಸಂಚಿತ ಪ್ರಾರಬ್ಧ ಕ್ರಿಯಮಾಣಾ | ತೀರಲಿಲ್ಲವೋ ಮಿತೀ ಮಿತೀ | ಪಂಚ ದಶಾಕ್ಷರೀ ಮಂತ್ರವ ಜಪಿಸಲು | ನೀ ಪರಶಿವನೆಂಬುದೋ ಶ್ರುತೀ ಶ್ರುತೀ 2
ಮೂರ್ತಿ ಭವತಾರಕ ದೇವನ | ಪೂಜಿಸಿ ಮಾಡೊ ಸ್ತುತೀ ಸ್ತುತೀ | ಅರಿಯದಿರ್ದರರ್ಚಕರನು ಸೇವಿಸಿ |ಆಗು ನೀ ಭೂಪತೀ ಭೂಪತೀ 3

ಛೀ ಛೀ ಛೀ ಛೀ ಪ
ಬಿಟ್ಟು ಕೊಡೋ ನೀ ಸಂಸಾರ ಭ್ರಾಂತಿ |
ಎಷ್ಟು ಸೋಸುವಿ ದುಃಖದ ಪಂಥಿ |
ಅಷ್ಟು ಪಾಶದೀ ಬಿಗಿದಿಹ ಗ್ರಂಥಿ |
ಕಷ್ಟ ಪಟ್ಟಿನ್ನು ಮಾಡುವಿ ಚಿಂತಿ 1
ಸತಿ ಸುತರೆಲ್ಲಾ |
ಘನ್ನಸ್ನೇಹವ ಮಾಡುವರಲ್ಲಾ |
ಧನ ಯೌವನ ಕೊರತ್ಯಾಗಿ ಸೊಲ್ಲಾ |
ತೃಣ ಸಮಮಾಡಿ ಬಗೆವರು ಖುಳ್ಳಾ 2
ಹಳೆದಾಯಿತು ತಾಳಿದ ಕಂಥೀ |
ಬಲವಿಂದ್ರಿಯ-ವಾದವು ಶಾಂತಿ |
ಬಲು ನೆರೆಯಿತು ರೋಗದ ಸಂತಿ |
ಕೆಳಗಾಯಿತು ಪೌರುಷ ಖಂತಿ 3
ಹಿರಿಕಿರಿಯರು ಸರಿಕರು ನಿನ್ನಾ |
ಸರಿದ್ಹೋಗುದು ಕಾಣಲಿಲ್ಲÁ ಕಣ್ಣÁ |
ಅರಿತು ವಿವೇಕವ ಪಡಿಯದೆ ಘನ್ನಾ |
ಮರೆದಾಗುರೆ ನೀ ಮಸಿಮಣ್ಣಾ 4
ಒಂದಾಗಲು ಮತ್ತೊಂದಾಶೆ |
ಸಂಧಿಸುವದು ವಾಸನೆ ಸೂಶಿ |
ತಂದೆ ಮಹಿಪತಿ ನಂದನು ಹೇಸಿ |
ಇಂದು ಸಾರಿದಾ ಹರಿನಾಮ ಸ್ಮರಿಸಿ 5