ಇದನೆ ಪಾಲಿಸು ಜನ್ಮ ಜನ್ಮಗಳಲಿ ಪ
ಮಧುಸೂದನನೆ ನಿನ್ನ ಸ್ಮರಣೆ ದಾಸರ ಸಂಗ ಅ
ಪುಣ್ಯಪಾಪ ಜಯಾಪಜಯ ಕೀರ್ತಿ ಅಪಕೀರ್ತಿ
ಮನ್ಯುಮೋಹಾಸಕ್ತಿ ಕಾಮಲೋಭಾ
ನಿನ್ನಾಧೀನವು ಎನ್ನದಲ್ಲವೆಂದಿಗು ಪ್ರಕೃತಿ
ಜನ್ಮ ಗುಣಕಾರ್ಯವೆಂಬುವ ಜ್ಞಾನವೇ ಸತತ 1
ಗುಣಕರ್ಮ ಕಾಲಗಳ ಮನಮಾಡಿ ಜೀವರಿಗೆ
ಉಣಿಸುತಿಹೆ ಸುಖದುಃಖ ಘನ ಮಹಿಮನೆ
ಗುಣಗಳಭಿಮಾನಿ ಶ್ರೀವನಿತಾರಮಣ ಪ್ರಯೋ
ಜನವಿಲ್ಲದಲೆ ಮಾಡಿ ಜನರ ಮೋಹಿಪಿಯೆಂಬೋ 2
ಈಶ ನೀನಾದ ಕಾರಣದಿಂದ ಸುಖದುಃಖ
ಲೇಶವಿಲ್ಲವು ಸರ್ವಕಾಲಗಳಲಿ
ಕೇಶವ ಜಗನ್ನಾಥ ವಿಠ್ಠಲನೆ ಭಕ್ತರ ಪ್ರ
ಯಾಸವಿಲ್ಲದೆ ಕಾಯ್ವಿಯೆಂಬ ಸ್ಮರಣೆ ನಿರುತ 3

ಉಗಾಭೋಗ
ಐದೊಂದು ಅರಿಯ ಬಿಡಿಸೊ
ಐದೆರೆಡು ಹೊದಿಕೆ ಹರಿಸೊ
ಐದು ಮೂರು ಕಡಿಸೊ ಐದು ನಾಲ್ಕು ಕೊಡಿಸೊ
ಐದು ಐದು ಒಂದು ನಿನ್ನ ಪಾದದೊಳಿಡಿಸೊ
ಐದರಿಂದಾದ ದೇಹ ಎನ್ನದಲ್ಲವೆನಿಸೊ
ಐದು ಐದು ಅಧಿಪತಿಗಳ ಎನಗೊಲಿಸೊ
ಐದೊಂದು ವನಜಗಳ ತತ್ವಗಳನೆ ತಿಳಿಸೊ
ಐದು ಮೂರುದಳ ಪದ್ಮದಿ ಕಾಣಿಸೊ
ಐದೇಳು ದಳ ಪದ್ಮ ಹಾದಿಯ ತೋರಿಸೊ
ಐದು ಜನರ ಕಾಯ್ದ ಗೋಪಾಲಕೃಷ್ಣವಿಠ್ಠಲ
ಪಾದ ಧ್ಯಾನದಿ ನಿರುತಾ

ಉಪಕೃತಿ ಎನ್ನದಲ್ಲ ನರಹರಿ
ಕೃಪೆ ಕಾರಣವಿದಕೆಲ್ಲ ಪ
ಅಪರಾಧಗಳನು ಮನ್ನಿಸಿ ಪೊರೆಯುವ
ವಿಪುಲ ಕೃಪಾನಿಧಿ ಹರಿಯಲ್ಲದೆಲೆ ಅÀ.ಪ.
ಜೀವ ಪರಾಧೀನ ಸ್ವತಂತ್ರ ರಾ
ಜೀವದಳನಯನ
ಸರ್ವೋತ್ತಮ ಪ್ರಭು ಕರಿಗಿರೀಶನೆ ಜಗ
ಜೀವನ ಪಾವನ ಪ್ರೇರಕನಲ್ಲದೆ 1

ಎನ್ನ ಕಡೆಹಾಯಿಸುವುದು ನಿನ್ನಭಾರ|ನಿನ್ನ ಸ್ಮರಣೆ ಮಾಡುವುದು ಎನ್ನ ವ್ಯಾಪಾರ ಪಎನ್ನಸತಿಸುತರಿಗೆ ನೀನೆಗತಿ|ನಿನ್ನವರು ಎಂಬುದೇ ಎನ್ನ ನೀತಿ 1ಎನ್ನನಿತ್ಯಸಾಕುವುದು ನಿನ್ನ ಧರ್ಮ |ನಿನ್ನ ಮರೆತು ಬದುಕುವುದು ಎನ್ನಕರ್ಮ2ಎನ್ನ ತಪ್ಪ ಎಣಿಸುವುದು ನಿನಗೆ ಸಲ್ಲ |ನಿನ್ನ ಮರೆತು ತಿರುಗುವುದು ಎನ್ನದಲ್ಲ 3ಎನಗೆ ಪಡಿಯಿಕ್ಕುವುದು ನಿನ್ನಮಾನ|ನಿನ್ನ ಮರೆತು ತಿರುಗುವುದು ಎನ್ನ ಅಪಮಾನ 4ನೀನಲ್ಲದೆ ಇನ್ನಾರಿಗೆ ಮೊರೆ ಇಡುವೆ |ಎನ್ನ ಪುರಂದರವಿಠಲ ನಿನಗೆ ಪೇಳುವೆ 5

ಭಾಷೆಯ ಪಡೆದಿಹೆನು ಭಾಷೆಯ ಪಡೆದಿಹೆನುಈಶಳಾದ ಬಗಳಾ ದೇವಿಯ ಕೈಯಲಿ ಕೈಯನು ಹೊಯ್ದುಪಎತ್ತ ಎತ್ತ ಹೋಗೆ ಬೆನ್ನಹತ್ತಿ ತಿರುಗು ಎಂಬಹತ್ತಿರಿರಬೇಕು ಕಾದು ನಿತ್ಯದಿ ಎಂದೆಂಬ ಹಾಗೆ1ಎಲ್ಲ ಕ್ಷೇಮ ಪರಾಮರಿಕೆ ನಿನ್ನದೀಗ ಎಂಬ ಹಾಗೆಎಲ್ಲ ಮಾನಾವಮಾನ ನಿನ್ನ ಹೊಂದಿತು ಎಂಬ ಹಾಗೆ2ದೇಹವಿದು ಎನ್ನದಲ್ಲ ನಿನ್ನದೀಗ ಎಂಬ ಹಾಗೆದೇಹಿ ಚಿದಾನಂದ ಬಗಳೆ ನೀನು ನಾನೆ ಎಂಬ ಹಾಗೆ3