ಬಾರೊ ನಂದನಂದನ ಅರವಿಂದಲೋಚನ ಪ
ಅರವಿಂದಲೋಚನ ಭವಬಂಧ ಮೋಚನ ಅ.ಪ
ದುರುಳ ದುರ್ಯೋಧನನ ಅನುಜ
ಕರದಿ ಎನ್ನ ಸೀರೆ ಪಿಡಿದು
ಭರದಿ ಎಳೆಯುವ 1
ಅರಿಯದಂತೆ ಇರುವರೆಲ್ಲ
ಕಿರಿಯ ಜನಗಳು
ಹರಿಯೆ ಕರುಣಾನಿಧಿಯೇ ಎನ್ನ
ಮೊರೆಯ ಕೇಳಲೊ 2
ಕಾಮ ಜನಕ ನಾಮಗಿರಿ ಶ್ರೀ
ಸ್ವಾಮಿ ನರಹರೆ
ಹೇಮಕಶಿಪು ತನುಜನಂತೆ
ಪ್ರೇಮದಿ ಸಲಹೆಲೊ 3

ರಕ್ಷಿಸುವ ತಾಯಿತಂದೆ ರಘುಕುಲೋತ್ತಮ ರಾಮಚಂದ್ರ
ಅಕ್ಷಯ ವಿತ್ತು ಭಕ್ತಜನರುಪೇಕ್ಷೆ ಮಾಡದೆ ಪ
ಕಂದನೆಂದು ಖಳರ ಅನುಜರಂದದಿ ಕಾಯ್ದದೇವ
ಸಿಂಧುಶಯನ ಶ್ರೀನಿವಾಸ ಶ್ರೀಧರಾಚ್ಯುತಾ
ಎಳಿವೊ ವ್ಯಾಳ್ಯದಲ್ಲಿ
ಬಂದು ಮಾನ ರಕ್ಷಿಸಿದಂಥಾ ಪರಮಪುರುಷ ಭಕ್ತವತ್ಸಲ 1
ಮತ್ತ ಸಲಹಬೇಕಂತ
ಬಿರುದುವುಳ್ಳ ಧೀರ ಭಾನುಕೋಟಿತೇಜನಾ
ಕರಿಯು ಕರಿಯೋ ಕಾಲದಲ್ಲಿ ಗರುಡನೇರಿ ಬಂದು
ಪೊರೆದ ಕರುಣಾಸಾಗರ------ನಾಮನಯ್ಯನಾದ ದೀನಾ 2
ಇಂದು ಇರುವರೆಲ್ಲಾ ಅಂದು --
ಕರುಣಾವಿಟ್ಟು ಅತಿಶಯಾದಲಿ ಕುಂದು ಇಲ್ಲದೆ ಪಾಲಿಸು
ಸ್ವಚ್ಛಂದದಿಂದ ಚ್ಯುತಿಯಿಲ್ಲದೆ ಇಂದಿರೇಶ `ಹೊನ್ನವಿಠ್ಠಲ '
ವಿಶ್ವಕರ್ತಾ ಬುಧವಂದ್ಯಾ3