ನಿರ್ತದೊಡ್ಡದೈಯ್ಯಾ |
ಅರ್ತವರಿಗೆಲ್ಲಿದೆ ಭಯವು ಪ
ಗುರುವಿನಂಘ್ರಿಯ ಕಂಡು |
ಗುರುದಯ ಪಡಕೊಂಡು |
ಚರಿಸುವರಾನಂದ ನುಂಡು 1
ಘನದೆಚ್ಚರುಳ್ಳವಗ |
ಬಿನಗುದೈವದ ಸಂಗ |
ಆನಿಯೇರಿ ಕುನ್ನಿಯ ಹಂಗ 2
ಮೊಮ್ಮಕ್ಕಳ ಕಂಡಿರೆ |
ಗುಮ್ಮನೆಂದರಂಜುವರೆ |
ತಮ್ಮನುಭವ ಬಿಡುವರೆ 3
ಮುಂದಾಗುವ-ಹಿತೊಂದು |
ಇಂದಿವೆ ಬಾರದ್ಯಾಕೆಂದು |
ಮುಂದಗಿಡನು ಎಂದೆಂದು 4
ಮದಿರೆಕೊಂಡವನಂತೆ |
ಮದವೇರಿಹ ನಗುತ |
ಮಧುಹರನ ಕೊಂಡಾಡುತ 5
ತಂದೆ ಮಹಿಪತಿದಯಾ |
ನಂದ ಕವಚದಿ ಕಾಯಾ |
ಛಂದ ಮಾಡಿದಾ ಉತ್ಸಾಯಾ 6

ಹರಿದಾಸನವನೇ ನೋಡಿ|
ಬರೇ ವೇಷ ದೋರಲ ಬೇಡಿ ಪ
ಒಂದರ ಘಳಗೆಯ ಕುಂದದಿ ಕಳೆಯಾ|ಮು|
ಕುಂದನ ನಾಮವ ಛಂದದಲಿಹ 1
ಅನ್ಯರ ದೂಷಿಸಿ ತನ್ನನೇ ಹೊಗಳನು|
ಸಣ್ಣ ದೊಟ್ಟದರಲಿ ಘನ್ನರಿತಿಹ 2
ಹುಲ್ಲ ಮನುಜರಿಗೆ ಹಲ್ಲವದೆರಿಯದೆ|
ಫುಲ್ಲನಾಭನಪದದಲಿಹ ಮನ 3
ಮುಂದಿನ ಹಾನಿಯು ಇಂದಿವೆ ತೋರಲಿ|
ಮುಂದಿಟ್ಟಟಡಿಯನು ಹಿಂದಕೆಳೆಯ 4
ನುಡಿವದು ಸಲಭ ನಡೆವುದು ದುರ್ಲಭ|
ನಡೆನುಡಿಯಲಿ ಸಮಧೃಡಗಂಡಿಹ 5
ಹಂಗವಳಿದು ಸತ್ಸಂಗದಿ ಶ್ರವಣದಿ|
ಕಂಗಳ ಸಿರಿಸುಖ ಮಂಗಳಲಿಹ 6
ತಂದೆ ಮಹಿಪತಿ ನಂದನ ಪ್ರಭುದಯ|
ದಿಂದ ಭವಾಲಯ ಸಂದ ಜರಿದ 7