ದಾಸರ ಶಿಶು ನಾನು ಶ್ರೀಹರಿ
ದಾಸರು ಶಿಶು ನಾನು ಪ
ಹೇಸಿ ಪ್ರಪಂಚದ ವಾಸನಳಿದು ಜಗ
ದೀಶನ ಶ್ರೀಪಾದದಾಸಾನುದಾಸರ ಅ.ಪ
ಮರವೆ ಮಾಯ ತರಿದು ಲೋಕ
ದರಿವಿನೊಳಗೆ ಬೆರೆದು
ಪರಿಪರಿಯಿಂದಲಿ ನರಹರಿ ಚರಣವ
ಸ್ಮರಣೆಯೊಳಿಟ್ಟು ಬಲು ಹಿರಿಹಿರಿ ಹಿಗ್ಗುವ 1
ಮೋಸಕ್ಲೇಶವನಳಿದು ಭವದ
ಆಶಾಪಾಶತುಳಿದು
ಸೋಸಿಲಿಂದ ಅನುಮೇಷ ಬಿಡದೆ ಹರಿ
ಸಾಸಿರ ನಾಮಮಂ ಬೇಸರದ್ಹೊಗಳುವ 2
ಸತ್ಯ ಸನ್ಮಾರ್ಗಬಿಡದೆ ಮನವಂ
ಎತ್ತ ಕದಲಗೊಡದೆ
ನಿತ್ಯ ನಿರ್ಮಲಾತ್ಮ
ಕರ್ತು ಶ್ರೀರಾಮನ ಅರ್ತು ಭಜಿಸುವಂಥ 3