ಶೋಧಿಸದೆ ನಿಜ ಬೋಧಿಪೆನೆಂಬ ಈ
ಹಾದಿಯೆಲ್ಲಿ ಕಲಿತಿರೆಲೊ ಎಲೋ
ಆಧರವರಿಯದ ವಾದಿಮೂರ್ಖರಿಗೆ
ಬೋಧ ಸಿದ್ಧಿಪುದೇನೆಲೋ ಎಲೋ ಪ
ಋತುಯಿಲ್ಲದವಳಲ್ಲಿ ರತಿಕಲಹ ಬೆಳೆಸಲು
ಸುತರ ಪಡೆವಳೇನೆಲೋ ಎಲೋ
ಅತಿಮಂದಮತಿಗಳಿಗಹಿತವ ಬೋಧಿಸೆ ಸು
ಗತಿಗೆ ಬಾಹರೇನೆಲೋ ಎಲೋ
ಕತ್ತೆಗೆ ಮುತ್ತಿನ ಕಂಟಲಿ ಹೇರಲು
ಅರ್ತೀತೆ ಬೆಲೆಯನು ಎಲೋ ಎಲೋ
ಕೃತ್ರಿಮರಿಗಾತ್ಮದ ಸ್ಮøತಿಯ ಬೋಧಿಸೆ ದು
ರ್ಗತಿಯು ತಪ್ಪೀತೇನೆಲೋ ಎಲೋ 1
ಕೋಣನ ಮುಂದೆ ವೇಣುಬಾರಿಸಲು
ಅನಂದತಾಳೀತೇನೆಲೋ ಎಲೋ
ಶ್ವಾನನ ಮುಂದೆ ಸುಗಾನ ಮಾಡಲದು
ಧ್ಯಾನಕ್ಕೆ ತಂದೀತೇನೆಲೋ ಎಲೋ
ಹೀನಸಂಸಾರಿಗೆ ದಾನಿಗಾಂಭೀರ್ಯದ
ಖೂನ ತಿಳಿದೀತೇನೆಲೋ ಎಲೋ
ಜ್ಞಾನಬೋಧಾಮೃತ ಅಜ್ಞಾನಿಗೆ ಉಸುರಲು
ಹೀನಭವ ಬಿಟ್ಟೇತೇನೆಲೋ ಎಲೋ 2
ಆಸೆಗಾರಗೆ ಮಹ ಶಾಶ್ವತ ಪೇಳಲು
ಲೇಸಾಗಿ ತೋರೀತೇನಲೋ ಎಲೋ
ದಾಸರ ದೂಷಿಪ ನಾಶಮತಿಗೆ ಯಮ
ಪಾಶವು ತೊಲಗೀತೇನೆಲೋ ಎಲೋ
ಈಶನೊಲಿಮಿಲ್ಲದೆ ನಿಜಬೋಧಲಂಬಿಸಿ ಮುಕ್ತಿ
ಅಸನ ಸಿಕ್ಕೀತೇನೆಲೋ ಎಲೋ
ಹೇಸಿಜನರಿಗೆಲ್ಲ ಶ್ರೀಶ ಶ್ರೀರಾಮನ
ದಾಸತ್ವ ದೊರಕಿತೇನೆಲೋ ಎಲೋ 3

ಸುಜ್ಞಾನಿ ನಡೆ ಬೇರೆ ಅಜ್ಞಾನಿ ನಡೆ ಬೇರೆ
ಜ್ಞಾನದಿಂದ ಪ್ರಮಾಣಿಸಿ ನೋಡಲು ಪ
ಸುಜ್ಞಾನಿ ನುಡಿಯದರ ಕಡೆತನಕ
ಅಜ್ಞಾನಿ ನುಡಿ ಸದಕ
ಸುಜ್ಞಾನಿಯನುಡಿ ಒಂದೆ ನಿರ್ಧಾರ
ಅಜ್ಞಾನಿಯ ನುಡಿ ಪದರುದರ 1
ಸುಜ್ಞಾನಿ ಬಾಳು ಭವಲೂಟಿ ಕಡೆತನ
ಅಜ್ಞಾನಿ ಬಾಳು ಸುಳ್ಳು ಮುಷ್ಟಿ
ಸುಜ್ಞಾನಿಯ ವರ್ತನೇ ವಜ್ರದಗಟ್ಟಿ
ಅಜ್ಞಾನಿವರ್ತನೆ ಗಾಳಿಯ ಮೊಟ್ಟೆಮೊಟ್ಟೆ 2
ಸುಜ್ಞಾನಿಗೆ ಮುಕ್ತಿಪಟ್ಟ ಕಡೆತನ
ಅಜ್ಞಾನಿಗೆ ಮೃತ್ಯುಕಾಟ
ಅಜ್ಞಾನಿಕಾಣುವ ಯಮನಗೂಟ
ಸುಜ್ಞಾನಿ ಕಾಣುವ ಶ್ರೀರಾಮನಾಟ ಆಟ 3