ಕಮಲನಯನನ ಕರತಾರೆ
ಕರುಣ ಸಾಗರನ ಕರಿರಾಜ ವರದನ ಪ
-------ಪನ ಕಂಬುಕಂಧರನ
ಲೋಕನಾಯಕ ಶ್ರೀಯದು ವೀರನಾ
ರಾಕೇಂದು ಮುಖಿ ವರ ಲಕ್ಷ್ಮೀನಾಯಕನ
ನೀರಜ ನಾಭನಾ 1
ಸುಜನ ವಿಲಾಸನಾ
ಕಂದ ಪ್ರಹ್ಲಾದನಾ ಕಾಯ್ದದೇವನಾ
ಸುಂದರ ವದನ ಗೋವಿಂದ ಮುಕುಂದನಾ
ಮಾಧವ ಕೃಷ್ಣನಾ 2
ಯದುಕುಲಾಬ್ಧಿಚಂದ್ರ ವೇದಗೋಚರನಾ
ಮಧÀು ಸೂದನ ರೂಪ ಮಹಿಮ ಪ್ರಕಾಶನಾ
ಬುದ್ಧ ಜನರ ಸಿರಿಯ ನಾ ಪೂರ್ಣಾನಂದನ
ಚದುರೆ ನೀ ಬೇಗ ಹೋಗಿ ಚಲುವ ಸಂಪನ್ನನಾ 3
ಆನಂದ ನಿಲಯನಾದ ಅಖಿಲವೈಭವನಾ
ಜ್ಞಾನಿಗಳ ಪೊರೆವ ಘನ ಗಂಭೀರನಾ
ಧೇನು ಪಾಲಕ ದೇವಾದಿ ದೇವನ
ಗಾನಲೋಲನಾದ ವೇಣು ಗೋಪಾಲನ 4
ಗರುಡವಾಹನನಾ-----ಜನ ಕಾಯ್ದವನಾ
ಸ್ಥಿರ ಹೆನ್ನ ತೀರದಿ ವಾಸವಾಗಿಹನ
ದೊರೆ 'ಹೆನ್ನ ವಿಠ್ಠಲನ’ ----ದೇವನಾ
ಪೊರೆವನು ನಮ್ಮ ನಿಂದು ಪರಮಹರುಷದಿಂದಾ5