ಹರಿ ಕೈಪಿಡಿಯೋ ಕೃಪಾವಿರಿಸೋ ದಾಸನಲಿ ಪ
ಸ್ಮರಿಸುವೆನನುದಿನ ಪರತರ ಪರಶಕ್ತಿ
ಸುರವರನೀನಲ್ಲವಿರುವರೆ ಪೊರೆವರು 1
ಶಿರಿಧರೆ ಸುರನರ ನೆರೆ ಓಲೈಸುತ
ಪರಮಪುರುಷ ನಿನ್ನ ಸ್ಮರಿಪರು ನಿರುತದಿ 2
ಹನುಮ ಭೀಮ ಮಧ್ವ ಮನಮುಟ್ಟಿ ಭಜಿಸುತ
ಘನನೀಲ ದೇವನೆ ನೆನೆವರ ಮನದಲಿ 3
ಹರಿ ನಿನ್ನ ಧ್ಯಾನವು ಹರಿವುದು ದುರಿತವ
ನÀರಸಿಂಹ ದೊರೆ ನಿನ್ನ ಮರೆವೆನೆ 4

ಹರಿ ನಿಮ್ಮ ಮಹಿಮೆ ಅರಿಯರಾರಾರು
ನರ ಮನುಜರ ಪಾಡೇ
ಸುರಮುನಿಗಳೆ ನಿನ್ನರಸಿ ಕೊಂಡಾಡಲು
ದೊರೆಯದಿರುವಿ ಘನ ಪರತರಮಹಿಮ ಪ
ದುಷ್ಟರ ಶಿಕ್ಷಿಸಿ ಶಿಷ್ಟರ ಪೊರೆಯುತ
ಸೃಷ್ಟಿಗೊಳಿಸುತಿರುವಿ
ಇಷ್ಟಭಕುತರ ಕಷ್ಟ ನಿವಾರಿಸಿ
ಇಷ್ಟಪೂರೈಸುತಿರುವಿ
ನಿಷ್ಠೆಯಿಂದ ಮನಮುಟ್ಟಿಭಜಿಪರನು
ಬಿಟ್ಟಗಲದೆ ದೃಷ್ಟಿಯಿಂ ನೋಡುವಿ 1
ಲಾಷೆಯ ನೀಡುತಲಿ
ಘಾಸಿ ಮಾಡದೆ
ದೋಷರಾಶಿಯ ಕಳೆಯುತಲಿ
ಪೋಷಿಸಿ ತ್ರಿಜಗದೀಶನೆ ಈ ಭವ
ಪಾದವ ಖಂಡಿಸಿ ವಾಸುಕಿಶಯನ 2
ಮನಸಿಜಾರಿಯಂ ಘನಸಂಕಟದಿಂದ
ಕನಿಕರದಿಂ ಕಾಯ್ದಿ
ದನುಜಕುಲವನು ಹಣಿದು ಸುರರಿಗೆ
ಘನಸೌಖ್ಯವನ್ನಿತ್ತಿ
ತನುಮನ ಧನದಿಂ ನೆನೆಯುವ ಭಕುತರ
ನೆನವಿಗೆ ಸಿಲುಕದಿ ಚಿನುಮಯ ರಾಮ 3

ಹರಿ ನೀನೆವೆ ಸರ್ವ ಚೇತನ ಧೃತಿಯ ಸಕಲವೇ |
ಧರಿಯೊಳು ನಾನೆಂಬುವ ಗುಣವೇ
ವರಶೃತಿ ನೇಹನಾ ನಾಸ್ತಿಯಂದು |
ಸಾರುವದಿದಕನು ಮಾನವೇ ಪ
ಬಯಲೊಳು ಪುಟ್ಟದ ಪರಿಪರಿನಾದದ |
ಹೊಯಿಲಿನ ಮಂಜುಳ ಶಬ್ದವಾ |
ಬಯಲದಿ ಕೇಳಿತಲ್ಲಿನವ ಹೊಂದುವಾ |
ಬಯಲಾಧಾರ ನೀನಲ್ಲವೇ 1
ಸೃಷ್ಟಿಯೊಳಗ ಕಮನೀಯ ಲಾವಣ್ಯದು |
ತ್ಕøಷ್ಟತರ ಮೋಹನ ರೂಪವಾ |
ದೃಷ್ಟಿಲಿ ಕಾಣುತ ಸುಖದೋಳಗಾಗುವ |
ದೃಷ್ಟಸ್ವ ತೇಜ ನೀನಲ್ಲವೆ 2
ಕಮಲ ಪಾರಿಜಾತ ಮಲ್ಲಿಗೆ ಮಕ |
ರಂಗದೊಳಗ ಸುಳಿದಾಡುತ |
ಮಂದ ಮಾರುತ ಬಂದು ಸೋಕಲು ನಲಿವಾ |
ಸುಂದರ ರೂಪನು ನೀನಲ್ಲವೆ 3
ರಸಭರಿತ ಬೇರೆ ಬೇರೆ ದೋರುತಲಿಹಾ |
ಅಸಮತೆರೆದ ಪದರ್ಥವನು |
ರಸನಾದಿ ಕೊಂಡು ಸವಿಗೆ ತಲೆದೂಗುವಾ |
ಕುಶಲ ಭೋಕ್ತನುನೀನಲ್ಲವೇ 4
ಚೆನ್ನಾಗಿ ಕಸ್ತೂರಿ ಪುಳಕವ ಕೂಡಿಸಿ |
ಪನ್ನೀರವನು ಮೇಲೆದಳಿದು |
ಉನ್ನತ ಚಂದನ ಲೇಪಿಸೆ ಸುವಾ |
ಸನೆ ಕೊಂಬುವ ನೀನಲ್ಲವೇ 5
ಅಷ್ಟದಳ ಕಮಲದಳ ಗದ್ದುಗಿಯೊಳು ನಿಂದು |
ಅಷ್ಟಮ ಸ್ಥಳಗಳ ಮುಟ್ಟಿಸಿ |
ನೆಟ್ಟಿನೆ ಮುಖದೊಳು ಸವಿಸವಿ ಮಾತವ |
ಸ್ಪಷ್ಟದಿ ನುಡಿಪ ನೀನಲ್ಲವೇ 6
ಭಜಕನ ಮಾಡಿ ಸೌಮ್ಯತನದಿ ಕರದಿಂದ |
ರಜತಮ ವಿರಹಿತ ದಾನವನಾ |
ದ್ವಿಜರಿಗೆ ಕುಡಿಸಿ ಅದರಶ್ರಯ ಕೊಂಬುವ |
ನಿಜಶಯ ಕರ್ತನು ನೀನಲ್ಲವೇ 7
ಪವನಭ್ರವ ನಡೆಸುವಪರಿಚರಣದಿ |
ಜವದಿ ಸುಕೇತ್ರ ಯಾತ್ರೆಯಾ |
ಬವರದಿ ಮಾಡಿ ಪುಣ್ಯ ಅರ್ಪಿಸಿ ಕೊಂಬಾ |
ಭುವನ ಪಾವನ ನೀನಲ್ಲವೇ 8
ರಸನುಂಡು ಕಬ್ಬ ಹಿಪ್ಪಿಯುಗುಳುವಂತೆ |
ಅಸಮತೆ ರಚಿಸಿ ಸರ್ವಾಂಗರ |
ರಸವಿತ್ತು ಮಲವಘ ಮುಖದಿಂದ ಪವನದಿ |
ಬಿಡಸುವನು ನೀನಲ್ಲವೇ 9
ಅಂಗನೆಯರ ಧೃಡಾಲಿಂಗನವನು ಮನ|
ದಿಂಗಿತದಂದದಿ ಗೈಯ್ಯಲು |
ಅಂಗಸಂಗದ ಲೋದಗುವ ಭೋಗಿಪ |
ಅಂಗಜ ಜನಕ ನೀನಲ್ಲವೇ 10
ಯಂತ್ರವಾಹಕ ನಂದದಿ ಜಗನಿರ್ಮಿಸಿ |
ಚಿತ್ರ ವಿಚಿತ್ರವ ದೋರುವಾ |
ಅಂತ್ರ ಬಾಹ್ಯವ್ಯಾಪಕ ಮಹಿಪತಿ ಸುತ ಪ್ರಭು |
ಸೂತ್ರಧಾರಿ ನೀನಲ್ಲವೆ 11

ಹರಿಕೃಪೆಯೋಗ್ಯ ಮುಮುಕ್ಷನು
ಧರಿಯೊಳು ಕಾಂಬ ಪರೋಕ್ಷನು ಪ
ಹಿಂದಿನ ಪುಣ್ಯದಿ ಬಂದೆನೈ ದೇಹದಿ
ಮುಂದಾವಗತಿಯಂದು ಮುಮುಕ್ಷನು
ನೊಂದು ಮನದಿ ಪಶ್ಚಾತ್ತಾಪ ವಿರಕ್ತಿಯ
ಹೊಂದಿದ ದಡದಲಿ ಮುಮುಕ್ಷನು
ನಿಂದು ವಿವೇಕದಿ ಪರಮ ಶುಭೇಚ್ಛವ
ಛಂದದಿ ಹಿಡಿವನು ಮುಮುಕ್ಷನು
ಇಂದಿರೆ ಪತಿಗೋವಿಂದ ಮುಕ್ಕುಂದ ಸಲ
ಹೆಂದು ಮೊರೆಯಿಡುವ ಮುಮುಕ್ಷನು 1
ಅಷ್ಟಮದ ಮುರಿದು ಆರರಿಗಳ
ಇಟ್ಟಣಿ ಗಿಡಿಸುವ ಮುಮುಕ್ಷನು
ದುಷ್ಟತನ ಬಿಡಿಸಿ ಮನನಿನ ಮಲ್ಲನೆ
ಕಟ್ಟಲೆಳಿರಿಸುವ ಮುಮುಕ್ಷನು
ನಿಷ್ಠೆಯಿಂದಲಿ ಗುರುಚರಣ ವಭಕುತಿಲಿ
ಮುಟ್ಟಿಭಜಿಸುವನು ಮುಮುಕ್ಷನು
ಇಷ್ಟಸ್ವಧರ್ಮಪಕರ್ಮಗಳನ್ನು ಕಾಮ್ಯವ
ಬಿಟ್ಟು ನಡೆಸುತಿಹ ಮುಮುಕ್ಷನು 2

ಹರಿದಾಡುವಂಥ ಮನವ ನಿಲಿಸುವುದು ಬಲುಕಷ್ಟ ಪ
ಉರಿಯನಪ್ಪಲು ಬಹುದು
ಗರಳವನು ಕುಡಿ ಬಹುದು
ಕರಿಯ ದಾಡೆಗೆ ಸಿಕ್ಕು ಮರಳಿ ಜೀವಿಸ ಬಹುದು 1
ಗಗನ ಕೇಣಿಯ ಸಾರ್ಚಿ ಮುಗಿಲ ಮುಟ್ಟಲು ಬಹುದು
ಅಗಜೆಯರಸನ ಉರಿಯ ನಯನ ಕಾನಲು ಬಹುದು
ಹೊಗರು ಧೂಮವ ಹಿಡಿದು ಹಸುಬೆ ತುಂಬಲು ಬಹುದು 2
ಮಳಲ ಗಾಣಕೆಯಿಕ್ಕಿ ತೈಲಗಾಣಲು ಬಹುದು
ಹುಲಿಯ ಹಿಡಿದು ಕಟ್ಟಿ ಹಾಲ ಕರೆಯಲು ಬಹುದು
ಬಿಳಿಗಲ್ಲ ಬೆಣ್ಣೆವೋಲ್ ಜಗಿದು ನುಂಗಲು ಬಹುದು 3
ಅಸಿಯ ಧಾರೆಯ ಮೇಲೆ ನಾಟ್ಯ ವಾಡಲು ಬಹುದು
ವಿಷದ ಉರುಗನ ಕೂಡೆ ಸರಸವಾಡಲು ಬಹುದು 4
ಮರುತ ಸುತನ ಕೋಣೆ ವಾಸ ಲಕ್ಷ್ಮೀಶನ
ದುರಿತ ನಾಶನವಹುದು
ಮರಳಿ ಜನ್ಮಕೆ ಬಾರದಂಥ ಪದವಿಯಹುದು5

ಹರಿಯೆ ನಿಮ್ಮಯ ಚರಣಕಮಲದಿ
ನಿರುತಭಕುತಲಿ ಬೇಡುವೆ ಪ
ಪರಮ ಕರುಣಾಕರನೆ ತರಳಗೀ
ವರವ ಕರುಣಿಸು ಬೇಗನೆ ಅ.ಪ
ಪರರ ಅಂಗನೆಯರನು ನೋಡಲಿಕ್ಕೆ
ನ್ನೆರಡು ಕಣ್ಣು ಕರುಡಾಗಲಿ
ಪರದ್ರವ್ಯ ಮುಟ್ಟಲಿಕ್ಕೆನ್ನ
ಎರಡುಕರ ಮುರಿದ್ಹೋಗಲಿ 1
ಒಡನೆ ಬಿದ್ದು ಹೋಗಲಿ
ಕೇಡು ಪರರಿಗೆ ಬಗೆವ ಮನ ಎ
ನ್ನೊಡಲೊಳಿಲ್ಲದ್ಹಾಂಗಾಗಲಿ 2
ಮಂಗಳಾಂಗ ನಿಮ್ಮ ಚರಣ ಕಾಣಲೆನ್ನ
ಕಂಗಳೆರಡು ದೃಷ್ಟಿಬಲಿಸಲಿ
ರಂಗ ಶ್ರೀರಾಮನಂಘ್ರಿಕಮಲದ
ಧ್ಯಾನದಲಿ ಮನ ಒಲಿಯಲಿ 3

ಹರಿಯೇ ನಮ್ಮ ಪರದೈವಾ ಹರಿಯೇ ತ್ರಿಭುವನ ಕಾವಾ
ಹರಿಯೇ ಇಹಪರ ನೀವಾ ಜಗದೊಳಗೆ ಪ
ಬಿಟ್ಟು ತಾಯ ತಂದೆಗಳ ನೆಟ್ಟನಡವಿಗೆ ಪೋಗಿ |
ಮುಟ್ಟಿ ಭಜಿಸಲಾಗಿ ದಯವಿಟ್ಟು ಬಂದನು |
ವಿಠಲ ನಚಲ ಪದವಿಯ ಕೊಟ್ಟು ಸಲಹಿದಕ |
ಧಿಟ್ಟ ಧ್ರುವರಾಯ ಸಾಕ್ಷಿ ಅಂಬರದಲಿ 1
ಶರಧಿ ದಾಟ ಬಂದು ರಘು |
ಪತಿ ಕರಿಸಿದನು |
ಧರಿಯದುಳ್ಳನಕಾ ಲಂಕಾಪುರದ ಪದವಿಕೊಟ್ಟು ಕಾಯ್ದಾ |
ಮೆರೆವಾ ವಿಭಿಷಣÁ ಸಾಕ್ಷಿ ಮೃತ್ಯುಲೋಕದೀ 2
ಧರೆಯ ನೆಳೆದು ಕೊಟ್ಟರಂಘ್ರಿ ವೆರಡರಿಂದ ಮುಚ್ಚಲಾಗಿ |
ಶರಣ ತೃತಿಯ ಪಾದಕ ಶಿರಸವ ನೀಡಲು |
ಹೊರೆದನೆಂದು ಬಲಿಸಾಕ್ಷಿ ಪಾತಾಳದಲಿ 3

ಹಿಡಿಯಬೇಕು ಶ್ರೀ ಕೃಷ್ಣನ ತುಡುಗತನವ ಧ್ರುವ
ಕಡಿಯಗುಡದೆ ವೈವನು ಕೆನಿಮೊಸರ
ತುಡುಗತನವನು ಮಾಡುವ ಬಲು ಹೆಸರ
ಅಡಗಿಹ ಠಾವನೆ ತಾನುಸರ ಮಾಡಿ ತಾ ಕುಸರ 1
ಬಿಡಬಾರದು ಕಣ್ಣಿಲೆ ಕಟ್ಟಿ
ಬಿಡಿಸಿಕೊಂಬುವ ಇವ ಬಲು ಜಗಜೆಟ್ಟಿ
ಅಡಗಿಸಿಕೊಬೇಕು ಘಟ್ಟಿವಿಡಿದು ಮನಮುಟ್ಟಿ 2
ಸಾಧಿಸಿ ಸದ್ಗುರುದಯ ಕರುಣದಲಿ
ಭೇದಿಸಿ ಹಿಡಿಯೊ ಮಹಿಪತಿ ಸುಮನದಲಿ
ಒದಗಿಟ್ಟುಕೊ ನೀ ಹೃದಯದಲಿ ಇದೇ ನೋಡನುದಿನಲಿ 3

ಹಿಂದೂ ದಾಸ ಇಂದೂ ದಾಸ ಮುಂದೆ ಎಂದೆಂದಿಗೂ ಅರ-
ವಿಂದನಾಭ ವಿಠಲನೆ ಗತಿಯೋ ನೀ ಅವನ ದಾಸ ಪ
ಬಂಧನದಿ ಬಳಲಿದಿ ಬಂದ ದುಃಖವ ನಾಶಿಸಿ
ಹೊಂದಿದಿ ಶ್ರೀ ಹರಿಪಾದ ದಾಸ್ಯವಾ ಮಂದಿರವನ್ನಗಲಿದಿ
ಮೂತಿ ಯಾಕೋ ಭವದ ಭೀತಿ1
ಹುಟ್ಟಿದಿ ಹರಿಮತದಿ ಇಟ್ಟ ಹರಿಚಿನ್ಹೆಫಾಲದಿ
ಮುಟ್ಟಿ ಭಜಿಸೆಲೋ ದಿಟ್ಟ ಕೃಷ್ಣನ್ನಾ
ಇಟ್ಟ ಕಲ್ಲಮೇಲೆ ಪಾದವಿಟ್ಟ ವಿಠ್ಠಲನು ಪೊರೆವಾ 2
ಶಿರಿವರ ನರಸಿಂಹವಿಠ್ಠಲ ಕರುಣದಿ ಪೇಳಿದಾ ನಿನಗೆ
ಮರೆಯದೆ ಸೇವಿಸೋ ಹರಿಮೂರ್ತಿಯಾ
ಮೂರ್ತಿ ನಿರುತ ಸೇವೆಯ ಕೈಕೊಳ್ಳುವಾ 3

ಹುಟ್ಟಿದ್ದು ಫಲವೇನು ಮನುಜನು |
ಮುಟ್ಟದೆ ಗುರುಪದವನು ಪ
ಬೀರಿ ವಾಗ್ಜಾಲ ಆರಿಗೆ ಸೋಲಾ |
ಮೆರೆದನು ಬಹಳ ಮರೆದ ಸ್ಮರಣ ಕೀಲಾ 1
ಪರರುಪಕಾರಾ ಬಾರದಾ ಶರೀರಾ |
ಸಿರಿಗಂಧ ಸಾರಾ ಧರಿಸಿದರೇನು ಪೂರಾ 2
ಹವಣಿಸಿಗಾಢಾ ಶ್ರವಣವ ಮಾಡಾ |
ಕುಂಡಲ ನೋಡಾ 3
ತನ್ನ ತಾ ಮರೆವಾ ಅನ್ಯರಾ ಜರಿವ |
ಮನ್ನಣೆ ತೋರುವಾ ಕನ್ನಿಯ ಪರಿಲಿರುವಾ 4
ನಂದನ ಪ್ರಾಣಾ ತಂದೆ ಮಹಿಪತಿ ಜನಾ |
ಹೊಂದನು ಚರಣಾ ಮಂದಗಾಣದ ಕೋಣಾ 5

ಹೇಗೆ ಕಳಕೋಬೇಕೋ ಹರಿಹರಿ
ನೀನೆ ಕಳೆಯಬೇಕೊ ಪ
ಹ್ಯಾಗೆ ತೊಳಕೋ ಬೇಕು ತಿಳಿಯದು ಎನಗಿದು
ನೀಗದಂಥ ಈ ಅಗಾಧ ರಿಣಮುಟ್ಟು ಅ.ಪ
ಹೆತ್ತಮುಟ್ಟು ಅಲ್ಲ ತೊಳಕೊಳ್ಳ
ಲ್ಸತ್ತ ಸೂತಕಲ್ಲ
ಭವ ಸುತ್ತಿಸುತ್ತಿ ಬೆ
ನ್ನ್ಹತ್ತಿ ಬಿಡದೆ ಕಾಡುತ್ತ ನೋಯಿಪ ರಿಣ1
ನಿಶ್ಚಲಯಿರಗೊಡದು ಜಗದೊಳು
ತುಚ್ಛನ ಮಾಡುವುದು
ಮುಚ್ಚು ಮರಿಯಾದೆಯ ಬಿಚ್ಚಿಟ್ಟು ಬಯಲಿಗೆ
ಹಚ್ಚಿ ಮಾರುವಂಥ ಉಚ್ಚಿಷ್ಠ ರಿಣಮುಟ್ಟು 2
ಭಕ್ತವತ್ಸಲರಾಮ ನೀನೆ
ಮುಕ್ತಿಪಥಕೆ ಸೋಮ
ನಿತ್ಯ ನಿರ್ಮಲಮನ ಭಕ್ತನಿಗಿತ್ತು ರಿಣ
ಮುಕ್ತನ ಮಾಡಿ ಬೇಗಂತಃಕರಣ ನೀಡೊ 3

ಹೊಟ್ಟೆಪಾಡಿನ ಕೃತ್ಯವಲ್ಲವಿದು ವಿಠ್ಠಲನ ಸೇವೆ ಪ.
ಶ್ರೇಷ್ಠ ಗುರುಗಳ ಆಜ್ಞೆಯಿಂದ ಮನ
ಮುಟ್ಟಿ ನಡೆಸುವ ದಾಸವೃತ್ತಿಯು ಅ.ಪ.
ವಂದನೆ ನಿಂದ್ಯಗಳನ್ನು ಗಮನಿಸದೆ
ಇಂದಿರೇಶನ ಪದಕರ್ಪಿಸುತ
ಮಂದಭಾಗ್ಯರ ಮಾತನೆ ಗಣಿಸದೆ
ಬಂದ ಭಯಗಳ ದೂರೋಡಿಸುತಲಿ 1
ಆಶಪಾಶಗಳ ನಾಶಗೈಸಿ ಮನ
ಕ್ಲೇಶಪಡದೆ ಸಂತೋಷಿಸುತ
ವಾಸುದೇವ ಆನಂದಪೂರ್ಣ ಸ
ರ್ವೇಶ ನಿನಗೆ ನಾ ದಾಸನೆಂತೆಂಬುದು 2
ಗೆಜ್ಜೆ ಕಾಲಿಗೆ ಕಟ್ಟಿ ತಾಳವ
ಲಜ್ಜೆಯ ತೊರೆದು ಬಾರಿಸುತ
ಮೂರ್ಜಗದೊಡೆಯ ಜಗಜ್ಜನ್ಮಾಧಿಕಾರಣನೆಂದು
ಘರ್ಜಿಸುತಲಿ ಸಂಚಾರಮಾಳ್ಪುದೆ 3
ಇಂದು ನಾಳೆಗೆಂಬೋ ಮಂದಬುದ್ಧಿಯ ಬಿಟ್ಟು
ಬಂದದರಿಂದಾನಂದಿಸುತ
ತಂದೆ ಮುದ್ದುಮೋಹನದಾಸರ ಪದ
ದ್ವಂದ್ವವ ಭಜಿಸುತ ಮುಂದೆ ಸಾಗುವುದು 4
ಗುರುಗಳ ಕರುಣದಿ ಅಂಕಿತ ಪಡೆಯಲು
ದೊರೆವುದು ದಾಸತ್ವದ ಸಿದ್ಧಿ
ಅರಿಯದೆ ವೇಷವ ಧರಿಸಿ ಮೆರೆದರೆ
ಸಿರಿವರ ಮೆಚ್ಚನು ಗುರುವು ಒಲಿಯನು 5
ಉಚಿತ ಧರ್ಮಕರ್ಮಗಳನೆ ಮಾಡುತ
ಖಚಿತ ಜ್ಞಾನ ಮನದಲಿ ತಿಳಿದು
ವಚನದಿ ಹರಿನಾಮಗಳನೆ ನುಡಿಯುತ
ಶುಚಿರ್ಭೂತರಾಗಿ ಆನಂದಪಡುವುದು 6
ದುಷ್ಟರ ತೊರೆದು ಶಿಷ್ಟರೊಳಾಡುತ
ಶ್ರೇಷ್ಠವಾದ ದಾಸತ್ವದಲಿ
ಬಿಟ್ಟು ಪ್ರಪಂಚವ ಸೃಷ್ಟೀಶ ಗೋಪಾಲ
ಕೃಷ್ಣವಿಠಲನು ಶ್ರೇಷ್ಠದಿ ಭಜಿಪುದು 7

ಹೊತ್ತಾಗಿ ಹೊರಟಿಹೆನು ವೈಕುಂಠಕೆ
ಮುಟ್ಟಬೇಕು ನಾನು ಪ
ಹೊತ್ತಾಗಿ ಹೊರಟಿಹೆ ಹೊತ್ತುಗಳೆದು ವ್ಯರ್ಥ
ವತ್ತರದಿಂ ಪೋಗಿ ಹೊತ್ತೆ ಮುಟ್ಟಬೇಕು ಅ.ಪ
ಊರುದೂರಾದಿನ್ನು ಕೇಳದೆ
ಅರುಮಾತನಾನು
ಊರಜನರ ಮಾತು ಮೀರಿ ಆತುರದಿಂದ
ಪಾರವಾರಿಲ್ಲದ ವಾರಿಧಿಯನೀಸಿ 1
ದಾರಿ ಅರಿಯೆ ನಾನು ಬಲ್ಲವರು
ತೋರಿರೆ ಮಾರ್ಗವನು
ಸಾರಮೋಕ್ಷಕ್ಕಾಧಾರನ ಪಟ್ಟಣ
ಸಾರಸೌಖ್ಯ ತಲೆಸೇರಿ ಸಕಲ ಮೀರಿ 2
ಆ ಮಹ ಸುಕೃತಗೂಡಿ
ನಾಮಾಮೃತಮಂ ನೇಮದಿ ಸವಿಯುತ
ಸ್ವಾಮಿ ಶ್ರೀರಾಮನ ಪ್ರೇಮಯಾನವೇರಿ 3

ಹೊಂದಿ ಸುಖಿಸಿ ಹೊಂದಿ ಸುಖಿಸಿ
ಒಂದು ಮನದ ಭಾವದಿಂದಾ
ನಂದನೀವ ಜನಕ ನಮ್ಮಗುರುರಾಯನಾ ಪ
ದಿಟ್ಟತನದಿ ಸಾಗರಧಿಂ
ಮುಟ್ಟಿ ಮುದ್ರೆಯ ಕೊಟ್ಟ ಬಳಿಕ ವನವ ಛೇದಿಸಿ
ದುಷ್ಟ ರಾವಣ ತನುಜನಬೆ
ನ್ನಟ್ಟಿ ಕುಟ್ಟಿ ಲಂಕೆಯನು
ಸುಟ್ಟ ಬಿಟ್ಟ ಬಂದು ಪೊಡ ಮಟ್ಟ ಹನುಮಾ 1
ಆಪ ನೋಡದೆ ಭೂಪರಾಸಭೆ |
ಲೋಪಗಡಿ ಮಂಡಿಸಿ ಗೆಲವು |
ಲೋಪವಾಗೆ ದ್ರೌಪದಿಯನು ಛಲನೆ ಮಾಡಿದ ||
ಪಾಪಿಕೌರವ ಧೀಪ ನೆಜ್ಞ ಸ |
ಮೀಪಪಶುವಿನೋ ಪಾದಿಯಲಿ
ಕೊಪದಿಂದಲಿ ಘಾತಿಸಿದ ಭೂಪಭೀಮನಾ2
ಮತ್ರ್ಯ ದೊಳಗ ಬೆರ್ತು ವಿಷಯ
ಅರ್ತುಚರಣ ನಿರ್ತದ್ಹುಗಲು ತೀರ್ಥಚರಣನು
ಸಾರ್ಥಕವನು ಮಾಳ್ಪಾನಂದ
ಮೂರ್ತಿ ಮರುತನಾ3

ಹ್ಯಾಗಿದ್ದರೂ ಸುಖವೇ ಜ್ಞಾನಿಯಾದವಗೆ ಪ
ನಳಿನ ನಂಬಿರುವಗೆ ಅ.ಪ
ಹಿಂದುಮುಂದಿಲ್ಲದೆ ತಾನೊಬ್ಬನಾದರು 1
ಹೊನ್ನು ಹೆಣ್ಣು ಮಣ್ಣು ಹೊಂದಿಕೊಂಡಿದ್ದರು
ಅನ್ನಕಿಲ್ಲದೆ ತಾ ನರಳುವಂತಾದರು 2
ಬೇಡಿದರೊ ಹೊಟ್ಟೆ ತುಂಬ ದೊರಕದಿದ್ದರು 3
ಯೋಗ್ಯನೆನ್ನುತ ಜನರು ಶ್ಲಾಘ್ಯವ ಮಾಡಿದರು
ಭಾಗ್ಯಹೀನನಿವನೆಂದು ಬೈಯ್ಯತಲಿದ್ದರು 4
ಕೊಟ್ಟಷ್ಟರಲ್ಲೆ ತೃಪ್ತಿಪಟ್ಟು ಶ್ರೀ ಗುರುರಾಮ-
ವಿಠ್ಠಲನ ಮನಮುಟ್ಟ ಭಜಿಸುವಗೆ5