ಧ್ಯಾನ ಮೌನಗಳೆಂಬ ಜ್ಞಾನಸಾಧನಗಳನು|
ಏನು ಅರಿಯದತಿ ದೀನನಾಭವಕಂಜಿ|
ನಿನ್ನನೇ ಮೊರೆಯಹೋಕ್ಕಿಹನೋ||
ನಿನ್ನ ನಂಬಿದ್ದವರ ಘನ್ನಭಯ ಹರಿವೆಂದು|
ನಿನ್ನನೇ ಮೊರೆಯಹೊಕ್ಕಿಹೆನೋ||
ಜಲದೊಳಗೆ ಎದ್ದೆನ್ನ ಪಾಲೊಳಗೆದ್ದೆನ್ನ|
ತಿಳಿದಂತೆ ಮಾಡೋ ನೀ ಮಹಿಪತಿಸುತ ಪ್ರಾಣ||
ನಿನ್ನನೇ ಮೊರೆಯ ಹೊಕ್ಕಿಹೆನೋ

ನಂದನಂದನ ಪದ್ಮಾನಂದನ ವಂದ್ಯನೇ|
ತಂದೆ ಮಹಿಪತಿಸುತ ಪ್ರಭುವೇ ಮುಕುಂದ ಕೃಷ್ಣ ಪ
ಸಿರಿಯಾ ಸೌಖ್ಯ ದಿಂದುಬ್ಬಿ ಮದದಿಂದ|
ಸರಿಯನಗಾರು ಇಲ್ಲೆಂಬ ತಾಮಸದಿಂದ|
ಮರದೆನೋ ಹರಿನಿಮ್ಮಾ ಸ್ಮರಣೆಯಾ ಮರವಿಂದ|
ತಿರುಗಿ ದಣಿದೆ ನಾನು ನಾನಾಯೋನಿಗಳಿಂದ|
ತರಹರಿಸಲಾರೆ ತಾಪತ್ರಯದುಃಖಗಳಿಂದ|
ಶಿರಿಕೃಷ್ಣ ಸಲಹೆನ್ನ ಪರಮ ಕರುಣದಿ|1
ಮುನ್ನ ಮಾಡಿದಪರಾಧ ಸಕಲವ ನೀನು ಕ್ಷಮೆಯನುಮಾಡಿ
ಚಿನ್ನ ಕಿಂಕರನೆಂದು ದಯದಲಿ ಅಭಯಕರವನು ನೀಡಿ
ನಿನ್ನ ಸ್ಮರಣೆಯಕೊಟ್ಟು ಕರುಣ ಕಟಾಕ್ಷದಿಂದಲಿ ನೋಡಿ
ಚಿನ್ನ ಶ್ರೀಕೃಷ್ಣ ಭವದಿಂದುದ್ಧರಿಸಯ್ಯಾ ತಾರಿಸಯ್ಯಾ ನೀನು2
ಪತಿತ ಪಾವನ ನೆಂಬಾಬಿರುದು ಸಾರುತಿದೆ
ಗತಿಗೆಟ್ಟ ಅಜಮಿಳನ ತಾರಿಸಲಿಲ್ಲವೇ
ಪಾಷಾಣ ಉದ್ದರಿಸಲಿಲ್ಲವೇ
ಕ್ಷಿತಿಯೊಳೆನ್ನ ತಾರಿಸುವದೊಂದರಿದೇ ಶ್ರೀಕೃಷ್ಣಾ3
ಕರಿರಾಜನಂದದಿ ಹರಿತವಸ್ಮರಣೆ ಮಾಡಲರಿಯೇ
ಶರಣ ಪ್ರಲ್ಹಾದನಂತೆ ಕರೆಯ ಬರಿಯೇ
ನರೆನಂತೆ ನಾನಿನ್ನ ವಲಿಸಿಕೊಳ್ಳಲರಿಯೇ
ತರಳ ಧ್ರುವನಂತೆ ಧ್ಯಾನಿಸಲರಿಯೇ
ಶಿರಿಕೃಷ್ಣಾ ಗತಿಯಂಬದುವಿನಾ ಮತ್ತೊಂದರಿಯೇ 4
ನಿನ್ನ ನಾಮವನು ಕೊಂಡಾಡುವೆ ಪೊಗಳುವೆ
ಚನ್ನಾಗ್ಯನುದಿನದಲನವರತಾ
ತನ್ನಯಕರುವಿಗೆ ಕರುಣಿಪಗೋಪಂತೆ
ಎನ್ನ ನೀಸಲಹುದು ಶಿರಿಕೃಷ್ಣರೇಯಾ5

ನಂಬಿ ಭಜಿಸಿರೈಯ್ಯಾ ಶರಣರು ಪ
ನಂಬಿ ಭಜಿಸಿರೈಯ್ಯಾ ಶರಣರು|ಅಂಬುಧಿವಾಸ ಶ್ರೀ ದೇವನಾ|
ಹಂಬಲ ಬಿಡಿ ಅನ್ಯ ಮಾರ್ಗದಾ|
ಅಂಬುಜಾಂಬಕ ಪರದೈವನು ಗಡಾ| 1
ತ್ರಿಮೂರ್ತಿಯೊಳು ಮಿಗಿಲಾರೆಂದು ನೋಡಾ|
ಲಾ ಮುನಿಯಮರರು ಕಳುಹಲು|
ಪರದೈವವೆಂದನು ಗಡಾ|2
ದೇವಾ|ಸುರರೆಲ್ಲ ತವಕದಿ ಕುಳಿತಿರೇ|
ಇಂದಿರೆ ಬಂದು|ಹರಿಗೆ
ಮಾಲೆಯ ಹಾಕಿದಳು ಗಡಾ 3
ಶ್ರೀ ಚರಣವ ತೊಳೆಯಲು|
ಸುರನದಿ ಬರೆ|
ಮೃಢ ಶಿರಸದಿ ಧರಿಸಿದ ಗಡಾ4
ಮೂರಕ ಮೂರ ಮೂರುತಿಯಾಗಿ ಗುಣ|
ಮೂರಕದೂರವದೆನಿಸುವಾ|
ಸಾರಿದವರಾ ಕಾವಾ ಮಹಿಪತಿಸುತ|
ಸಾರಥಿಯಾಗಿ ರಕ್ಷಾಪ ಗಡಾ5

ನೋಡಿರೈ ಜನಾ ರಂಜನೆಯಲ್ಲಿ | ನೋಡಿರೈ ಜನಾ |
ಮಾಡದೆ ಹಿರಿಗುರು ಭಕ್ತಿಯ ಶೀಲದಿ |
ರೂಢಿಯ ಡಂಭಕ ಹರಿದಾಡುವದು ಪ
ಸಾಧು ಸಂತರ ಮನೆಯಲ್ಲಿ | ಆದರವಿಲ್ಲಾ ಮನದಲ್ಲಿ |
ಮೇದಿನಿಯಲಿ ನುಡಿಸಿದ್ಧಿಯ ಹೇಳಲು |
ಸಾಧಿಸಿ ಹೋಗುತ ಬಾಗುತಲಿಹುದು 1
ಚಂದನವಿಡಿದು ತೆಯ್ವಲ್ಲಿ | ಒಂದು ಬಾರದು ನೊಣವಲ್ಲಿ |
ಕುಂದದೆ ಎಂಜಲ ತೊಳೆವಾಸ್ಥಳದಲ್ಲಿ |
ಸಂದಿಸಿ ಮುಕುರುವ ಸಂದಲಿ ಯಂದದಿ 2
ಪರಗತಿ ಸಾಧನ ವರಿಯರು | ಬರಿದೆ ಭ್ರಾಂತಿಗೆ ಬೆರೆವರು |
ಗುರುಮಹಿಪತಿಸುತ ಪ್ರಭು ಕಲ್ಪತರು |
ಸೇರದೆ ಬೊಬ್ಬುಲಿ ಮರಕೆಳಗಾಡುವ 3

ಮನಿ ಮನಿಗೆಲ್ಲಾ | ಸಂತರು ಲಕ್ಷ ಕೊಬ್ಬರಿಹರಲ್ಲಾ ಪ
ಹಲವು ಗಿಡದಿ ಸಂಜೀವಿನಿ ಸಸಿಯಂತೆ |
ಕೆಲವು ವಿರಕ್ತರಲಿ ರಸಕ್ರಿಯನಂತೆ 1
ಮೃಗತತಿಯಲಿ ಕೃಷ್ಣಾಮೃಗ ದೋರುವಂತೆ
ಮುಗುದೆಯರಲಿ ಪತಿವೃತೆ ನಲಿವಂತೆ 2
ಗುರು ಮಹಿಪತಿಸುತ ಪ್ರಭು ಪದ ಕಂಡು
ವಿರಳಾಗತಲಿಹನು ಸವಿ | ಸುಖನುಂಡು 3

ಮರ್ಯಾದಿ ಗುಣ ವಳ್ಹದೋ |
ಗುರುವರ್ಯರ ಸೇವೆಲಿ ಬಾಳ್ವೆನೆಂಬನಿಗೆ ಪ
ಅರಸುವಲಿದು ಅತಿ ಪ್ರೀತಿ ಮಾಡಿದರೇನು ?
ಕರಗಳ ಮುಗಿದು ನಿಂದಿರಬೇಕು ಚರನು 1
ಹಿಂಗದೆ ಭಕುತಿಗೆ ಬೆಜ್ಜರ ವಿಡಿದರ |
ಬಂಗಾರಕ ಸುವಾಸನೆಯು ಬಂದಂತೆ 2
ಕುದುರೆಗೆ ಉತ್ತತ್ತಿ ತುಸು ಕೊಟ್ಟರಾರೋಗ್ಯ |
ಅದೇ ವಿಶೇಷ ಕೊಡಲು ವಿಪರೀತವೋ 3
ಯೋಗ್ಯವಲ್ಲದ ಅಲಂಕಾರಿಸಿಕೊಂಡರೆ ತನ್ನ |
ಶ್ಲಾಘ್ಯವೇ ಜಗದೊಳು ಉಪಹಾಸ್ಯ ಮೂಲಾ 4
ತರಳತನವ ಬಿಟ್ಟೆಚರದಲಿ ನಡಿಬೇಕು |
ಗುರು ಮಹಿಪತಿಸುತ ಪ್ರಭು ನೊಲುವಂತೆ 5

ಮೂರ್ಖರ ವಡಂಬಡಿಸಲಾಗವದೆಂದೆಂದು ಪ
ಮಳಲ ತಂದಿಕ್ಕಿ ಗಾಣದೊಳಗ ಸಾಯಸದಿಂದ |
ಬಲಿದು ಎಣ್ಣೆಯ ತೆಗೆಯಲಿಬಹುದು 1
ಗಿರಿಗಳಂದದಿ ಬಹಥೆರೆಗಳ ಕಡಿಯುತ |
ಶರಧಿಯದಾಟಿ ಹೋಗಲು ಬಹುದು 2
ಇಳೆಯೊಳು ತಿರುಗುತ ದೇಶ ದೇಶಗಳನು |
ಮೊಲದಾ ಕೋಡವ ದೊರಕಿಸಬಹುದು 3
ತೋರುವ ಮೃಗಜಲ ಹಿಡಿದು ಪ್ರಾಶನ ಮಾಡಿ |
ನೀರಡಕಿ ಶಾಂತ ಮಾಡಿಲಿಬಹುದು 4
ಮೊಸಳಿದಾಡಿಯೊಳಿಹ ಅಮೌಲಿಕ ರತ್ನ ತನ್ನ |
ವಶವನೆ ಮಾಡಿಕೊಳ್ಳಲಿಬಹುದು 5
ಪರಿ |
ಶಿರಸದಿ ಬೇಗ ಧರಿಸಲಿಬಹುದು 6
ಗುರುಮಹಿಪತಿಸುತ ಪ್ರಭು ಗುರುತಿಲ್ಲವರಾ |
ನೆರಳಿಗೆ ದೂರ ಕೈ ಮುಗಿವನು 7

ರಘುರಾಯ ಯನ್ನಮನವ ನಿಲಿಸಲಾಗದೇ
ನಿನ್ನ ಚರಣ ಕಮಲಲಿದ್ದು ತನ್ನ ಹರಿ ಬೀಳದಂತೆ ಪ
ಹನುಮನೊಡನೇ ಕಾಂತ ಮಾತ
ಅನುವರದಲಿ ಆಡುತಿರಲು
ವನಧಿ ಘೋಷವನ್ನೆ ಕಂಡು
ವನಜ ಕರವನೆತ್ತಿಕೊಂಡು ನಿಲ್ಲಲು
ಎನಲು ತ್ಯಜಿಸಿ ತನ್ನದರ್ಪನು ಆಸ್ಥಳದಿ
ಧರೆಯದೋರಿ ಸುಮ್ಮನಿಪ್ಪನು
ಆಂದಿಗಿಂದಿಗಿನಿತು ವಾಕ್ಯ ಮೆರೆದಪ್ಪನು 1
ಶರಧಿ ಮಥನದಲ್ಲಿ ಮುಣುಗು ತಿರಲು ಗಿಲಿಯನೆತ್ತಿ ನಿಳಹಿ |
ಹೊರೆದೆ ಸುರರ ಬಳಿಕಧರಣಿ ಹಿರಣ್ಯಾಕ್ಷ ವಯ್ಯಲಾಗ
ವರಹರೂಪದಿಂದ ಮೂಡಿದೇ ಈ ಜಗವ
ಕೊರೆದಾಡಿ ಲೆತ್ತಿ ಆಡಿದ ಅಧೃವನ
ತಿರಗದಂತೆ ಅಢಳ ನೀಡಿದೆ 2
ನಿನ್ನ ಕಥೆಯ ಶ್ರವಣಮಾಡಿ ನಿನ್ನ ನೋಡಿ ಕೂಡಿ ಪಾಡಿ
ನಿನ್ನ ನಿರ್ಮಾಲ್ಯ ಘ್ರಾಣಿಸುತಲಿ ನಿನ್ನದಾಸ ನೆನಿಸಿ
ಧನ್ಯಗತಿಯ ಪಡೆವ ತೆರದಲಿ ನಿಲಿಸಬೇಕು
ಎನ್ನ ಮನವ ಕರುಣದಿಂದಲಿ ಮಹಿಪತಿಸುತನ್ನ
ಸ್ವಾಮಿ ಸಲಹು ಜಗದಲಿ 3

ಶರಣು ಶಾರದೆ ವಾಣಿ
ಪಡರಮಾನಂದದ ಕೇಣಿ
ಸುರಸಕಲ ಕೀರ್ವಾಣಿ ಕಲ್ಯಾಣಿ 1
ವಿದಿತ ಸುವಿದ್ಯದಾನಿ
ಸದಮಲ ಸುಪ್ರವೀಣಿ
ಮದಮತ್ತಗಜಗಾಮಿನಿ ಕಲ್ಯಾಣಿ 2
ಸ್ಪಹಿತ ಸುಖಕಾರಿಣೀ
ಸಹಕಾರಿ ನಿರಂಜನ
ಮಹಿಪತಿಸುತ ಸ್ವಾಮಿನೀ ಕಲ್ಯಾಣಿ 3

ಶರೀರ ಜರಿಯಬೇಡಾ | ಬೆರಿಯಬೇಡಾ |
ಸ್ಥಿರವಿದ್ದ ಕೈಯಲಿ ಗುರು ಶರಣವ ಹೊಕ್ಕು |
ತಾರಿಸೋ ಭವದಿಂದ ನೀ ಮರಳು ಜೀವವೇ ಪ
ಲೋಕದೊಳು ವಾರಿಜೋದ್ಭವ ನಿನ್ನ ಜನ್ಮ ಕೊಟ್ಟು |
ನೂಕಲಾಗ ತಾಯಿ ಗರ್ಭದೊಳಾವರಿಸಿ ತಾನು ಧರಿಸಿ |
ರೇಖೆ ರೂಪ ಲಾವಣ್ಯ ಅವಯವಂಗಳಿಂದ |
ಸಾಕಾರವಾಗಿ ಸುಂದರೆನಿಸಿ ವರನೆನಿಸಿ |
ಬೇಕಾದ ವಿದ್ಯವನು ಸರ್ವ ಸಂಪಾದಿಸಲು |
ತಾ ಕಾರ್ಯವಾಗಿ ಅಭ್ಯಾಸದಿಂದಾ ಧ್ಯಾಸದಿಂದಾ |
ವಾಕ್ಪಟುದಲಿ ಸಮರ್ಥನೆಂಬನಾಮ ಪಡೆದು |
ಪ್ರಖ್ಯಾತವಾದೆ ಈ ಕಾಯದಿಂದ 1
ಸ್ನಾನವನು ಮಾಡಿ ತ್ರಿಕಾಲ ಸಂಧ್ಯಾನ ವಿಧಿಯನು |
ಮೌನ ಜಪಗಳವನು ತಪಗಳನು |
ಸ್ವಾನುಭಾವ ಸೂರ್ಯಾಡಲಾಗಿ ನೇಮವನುಷ್ಠಾನ ಮೊದಲಾದ |
ಧ್ಯಾನ ಧಾರಣವನು ಕಾರವನು |
ಜ್ಞಾನ ಭಕ್ತಿ ವೈರಾಗ್ಯ ಶಮದಮ ಕರುಣನು ದಿನಮಾಳ್ಪಾ |
ಕರ್ಮ ನೈಮಿತ್ಯವಾದಾ ನಿತ್ಯವಾದಾ |
ತಾನು ತನ್ನ ಉದ್ಧರಿಸಿಕೊಳಲಿಕ್ಕೆ ಭಾವದಿಂದಾ |
ಮಾನುಭಾವg ದಯ ಪಡೆವುದರಿಂದಾ 2
ತಾನು ಕುಣಿಯಲಾರದೆ ಅಂಕಣವು ಡೊಂಕು ಎಂದು |
ಹೀನೋಯಿಸಿ ನುಡಿವ ನಟ ವೇಷಿಯಂತೆ |
ನೀನು ನೀಟ ನಡಿಯದ್ಹೋಗಿ ದೇಹ ಕಶ್ಮಲವೆಂದು |
ಜ್ಞಾನ ರಹಿತನಾಗಿ ಹಳಿವುದು ಉಚಿತ ಇದು ಪ್ರಾಚೀತ |
ಈ ನಾಲ್ಕೆರಡು ವೈರಿಗಳ ದಂಡಿಸದೇ ಬರಿದೇ |
ಹೀನ ವೈರಾಗ್ಯವಾ ಶಣಸಬೇಡಾ ದಣಿಸಬೇಡಾ |
ಕಾನನದ ಹುತ್ತಮ್ಯಾಲ ಬಡಿದರೇನು ವರಗಿರುವಾ |
ಆ ನಾಗದರ್ಪಗುಂದದು ಕಂಡಾ 3
ಪರಿಪರಿ ಮುಮ್ಮುಳಿ ವಳಗಾಗಿ ಜೀವಿಸುವ |
ತೆರನಂತೋಯಂದು ಚಿಂತಿಸಬಹುದು ಸುರಿಸಬಹುದು |
ನೂರು ಭಂಡಿಗಳ ತÀುಂಬಿ ಬಂದರೇನು ತಾ |
ಧರೆಯೊಳು ಸೂಲ ತಾ ಹಾವುದೊಂದೇ ನೋವುದೊಂದೇ |
ಬರೆದ ಬರಹವೇ ಪಣಿಯಾಲಿದ್ದಪರಿ ತಪ್ಪದೈ |
ವರ ಕೂಡಿ ಕೊಟ್ಟಡವಿ ಮಾಡುವದೇನು ನೋಡುದೇನು |
ಪರಿ |
ಪಡಿ ನೀನು 4
ಸಾಕ್ಷರಾವೆಂಬ ಮೂರಕ್ಷರವ ಬರೆದು ತಾ |
ರಾಕ್ಷಸಾವೆಂಬುದೇ ಅರ್ಥವಹುದು ಅನರ್ಥ ವಹುದು |
ಪರಿ ವಳಿತು ಹೊಲ್ಲೆ |
ಪಕ್ಷದ್ವಯಕ ಬಾಹುದು ಮಾಡಿದಾಂಗ ಕೂಡಿದಾಂಗ |
ರಕ್ಷಿಸೆಂದು ಮಹಿಪತಿಸುತ ಜೀವನಾದಿ ವಿಶ್ವಾ |
ಭವ ಹಿಂಗು ಬ್ಯಾಗ 5

ಶೋಭಾನವೆನ್ನಿರೆ ಶುಭಕರ ಸಾವಿತ್ರೇರು |
ಪ್ರಭುಗುರು ಆತ್ಮಾ ಶ್ರೀರಾಮಗ ಪ
ರಾಮರಾವಣ ಕ್ರೋಧನಿಸ್ಸೀಮ ಕುಂಭಕರ್ಣಾದಿ |
ತಾಮಸದವರಾ ಮದಮುರಿದು |
ತಾಮಸದವರ ಮದಮುರಿದು ಹೃದಯಕ |
ಪ್ರೇಮ ಜಯೋತ್ಸವದಿಂದೈ ತಂದಾ 1
ಒಡನೆ ಶಾಂತಿ ಸೀತೆಯಾ ಬಿಡಿಸಿ ತಂದನು ಸೆರೆಯಾ |
ದೃಢವಿಭೀಷಣನ ಸ್ಥಾಪಿಸಿದನಾ |
ದೃಢವಿಭೀಷಣನ ಸ್ಥಾಪಿಸಿ ಆಶಾಪಾಶ |
ಕಡಲ ಮಧ್ಯ ಪೂರದೊಳು ಈಗ 2
ವಿವೇಕ ಹರಿವಾನದಿ ಭಾವದಾರತಿಯೋಳು |
ತೀವಿದ ಸಮ್ಯಜ್ಞಾನ ಜ್ಯೋತಿ |
ತೀವಿದ ಸಮ್ಯಜ್ಞಾನಜ್ಯೋತಿಯಿಂದ |
ದೇವದೇವೇಶಗ ತಿಂದೀಗ 3
ಅರಿಗಳ ಶಿಕ್ಷಿಸು ಶರಣರ ರಕ್ಷಿಸು |
ಧರೆಯೊಳುಯೆಂದು ಹರಸುತ |
ಧರೆಯೊಳು ಎಂದು ಹರಸುತ ಮುತ್ತಿನ |
ಪರಮಶಾಶಯ ನೊಸಲೊಳಿಟ್ಟು 4
ಇಹಪರಸುಖದಾತಾ ಬಾಹ್ಯಾಂತ್ರ ಸದೋದಿತಾ
ಮಹಿಪತಿಸುತ ಪ್ರಭು ರಘುನಾಥ |
ಮಹಿಪತಿಸುತ ಪ್ರಭು ರಘುನಾಥ ನೆನೆವರ
ಸಹಕಾರಿ ನಮ್ಮ ಸದೋದಿತ 5

ಶ್ರೀಮತ್ಕಾಂಚನ ಕೋಟಿರನ್ನತನಯಾ |
ಕ್ಷೀರಾಂಬುನಿಧಿ ಮಧ್ಯದಿ |
ನೇಮದಿಂ ನಿಜಧಾಮದಲ್ಲಿ ರಮೆಯಾ |
ಒಡಗೂಡಿ ಸುರಸಿದ್ಧದೀ |
ಸಾಮಗಾಯನ ಪ್ರಿಯನಾಗಿನಿರುತಾ |
ಪಾಲಿಪ ಲೋಕಂಗಳಂ |
ಮಾಧವ ದಯಾನಿಧೇ ವಧುವರಾ |
ಕುರ್ಯಾತ್ಸದಾ ಮಂಗಳಂ | 1
ಭಾನುಕೋಟಿಯ ತೇಜದಿಂ ಬೆಳಗುವಾ |
ಮುಕಟವು ಮಸ್ತಕದಿ |
ಶ್ರೀ ನೀಲಾಳಕ ಭಾಲಮಧ್ಯಮೆರೆವಾ |
ಕೇಶರ ಪೌಂಡ್ರಕದಿ |
ಸೂನಾಸಿಕದಿ ವಾರಜಾಕ್ಷಅಧರಿಂ |
ದೊಪ್ಪುವ ಕರ್ಣಂಗಳಂ |
ತಾನೀಕುಂಡಲ ಭೂಷಣಾ ವಧುವರಾ |
ಕುರ್ಯಾತ್ಸದಾ ಮಂಗಳಂ 2
ಶ್ರೀ ಲಕ್ಷ್ಮೀ ನಿಜಶಾರದಾಗಿರಿಸುತೇ |
ಭಾರತೀ - ಶಚಿ- ಭಾಮಿನೀ |
ಕಾಲಿಂದೀವರ ನರ್ಮದಾ ಸರಸ್ವತೀ |
ಗಂಗಾ ತ್ರಿಪಥಗಾಮಿನೀ |
ಪಾಲಿಸುವ ಗೋದಾವರೀ ಭೀಮರಥೀ |
ಶ್ರೀ ಕೃಷ್ಣ ವೇಣಿಂಗಳಂ |
ಮೇಲೆ ಕಾವೇರಿತುಂಗೆ ತಾವಧುವರಾ |
ಕುರ್ಯಾತ್ಸದಾ ಮಂಗಳಂ 3
ವಾರಿಜಾಸನ ವಾಯು ಶಂಕರಗುರು |
ತ್ವಂಹೇಂದ್ರ ವಸಿಷ್ಠನು |
ಭಾರದ್ವಾಜ ಪರಾಶರಾತ್ರಿ ಭೃಗು ಕ-
ಶ್ಯಪ ಕೌಶಿಕ ಶ್ರೇಷ್ಠನು |
ಕಾರುಣೀ ಜಮದಗ್ನಿ ರಾಮ ಮರಿಚೀ |
ವ್ಯಾಸಾದಿ ಋಷಿ ಪುಂಗಳಂ |
ನಾರದಾದಿ ಮುನೀಂದ್ರರೀ ವಧುವರಾ |
ಕುರ್ಯಾತ್ಸದಾ ಮಂಗಳಂ 4
ಇಂದ್ರೋವಹ್ನಿ ಪಿತೃಪತಿ - ನಿಋಋತಿ |
ಮಕರೇಶ ಪ್ರಭಂಜನಾ |
ಸಾಂದ್ರೈಶ್ವರ್ಯ ಕುಬೇರ ಈಶದಿಕ್ಪಾ
ಲಾದಿತ್ಯಶಶಿರಂಜನಾ |
ಚಂದ್ರಾತ್ಮಜನುಭೌಮದೇವಗುರುತಾ |
ಕವಿಮಂದ ಗ್ರಹಂಗಳಂ |
ಸಾಂದ್ರಾಗೀಹ ಸಮಸ್ತಗಿರೀ ವಧುವರಾ |
ಕುರ್ಯಾತ್ಸದಾ ಮಂಗಳಂ 5
ಶ್ರೀ ಮತ್ಸ್ಯಾಕೃತಿ ಕೂರ್ಮನಾಗಿ ವರಹಾ |
ನರಸಿಂಹನೆಂದೆ ನಿಸಿದಾ |
ವಾಮನಾಭೃಗುವರ್ಯರಾಮರಘುಪಾ |
ಯದುವಂಶದಲಿ ಜನಿಸಿದಾ |
ತಾ ಮತ್ತೇ ನಿಜ ಬೌದ್ಧಕಲ್ಕಿ ಎನಿಸೀ |
ತಾಳ್ದಾವತಾರಂಗಳಂ |
ಶ್ರೀ ಮನೋಹರ ದೇವಕೀ ವಧುವರಾ |
ಕುರ್ಯಾತ್ಸದಾ ಮಂಗಳಂ 6
ಕಾಶೀ ಕಂಚಿ ಅವಂತಿಕಾ ವರಪುರೀ |
ದ್ವಾರಾವತೀ ಮಥುರಾ |
ದೋಷನಾಶಿಕ ಪುಣ್ಯಕ್ಷೇತ್ರ ಬದರೀ |
ಶೇಷಾದ್ರಿವರ ಸೇತುಬಧ ತುಹಿನಾ |
ರಜತಾದ್ರಿ ಸೈಲಂಗಳಂ |
ಈ ಸಪ್ತಾಂಬುಧೀ ಸರ್ವದೀ ವಧುವರಾ |
ಕುರ್ಯಾತ್ಸದಾ ಮಂಗಳಂ 7
ದಶರಥಾತ್ಮಜನಾದ ರಾಮಜಗದೀ |
ಜನಕಾತ್ಮಜಾ ಸೀತೆಯಾ |
ಕುಶಲದೀ ನರಲೀಲೆಯಿಂದ ಮೆರೆವಾ
ವೈಭವ ಸಂಗsತಿಯಾ
ಉಸರೀದಾ ಗುರುಮಹಿಪತಿಸುತ ಕ-
ನ್ನಡ ಭಾಡೆ ಶ್ಲೋಕಂಗಳಂ |
ವಸುಧೆಯಲಿ ಸ್ಮರಿಸುವವರಿಂಗೆ ಕೊಡುವಾ |
ರಘುನಾಥ ಜಯಮಂಗಳಂ 8

ಸಖಿಸು ವರದ ಕೊಂಡು ಉಂಡು ನಾಮಾಮೃತವನು ಪ
ಅಂಬರಲಿ ಧೃವ|ಕುಂಬಿನಿಲಿ ಜಾಂಬವ|
ಅಂಬುಧಿಯೊಳು ವಿಭೀಷಣನು 1
ಸುತಳದಿ ಬಲಿನೋಡಿ ನುತ ಪ್ರಹ್ಲಾದೊಡಗೂಡಿ|
ಅತಿಶಯಾನಂದದಿ ತಾನು 2
ಗುರು ಮಹಿಪತಿಸುತ ಗರುಹಿದ ನಿಜಹಿತ|
ಹರಿಶರಣರ ನೋಡೋ ನೀನು 3

ಸಂತರ ನೆರೆಯಲಿರುವದು ಇಳೆಯೊಳು ಬಲುಪುಣ್ಯ ಪ
ಚಂದನ ಗಾಳಿಯಲನ್ಯಗಿಡ ಬೆಲೆಗಾಣುವಂತೆ |
ಕುಂದದೆ ಪಾಮರನಾಗುವನು ಮಾನ್ಯಾ 1
ಶ್ರವಣ ಮಾಡಲು ಹರಿಕಥೆ ನಿಜಬೋಧವನು |
ಭವದುರಿತ ಸೇರುವದು ಅರಣ್ಯಾ 2
ತಂದೆ ಮಹಿಪತಿಸುತ ಪ್ರಭುವಿನ ಖೂನಾ |
ಚಂದದಲಾಗುವದೇ ತಾರ್ಕಣ್ಯಾ 3

ಸತ್ಸಂಗ ವಿಡಿಯೋ ಮನುಜಾ ಪ
ಹರಿಕಥಾ ಶ್ರವಣದಿ ಮನ ಜಡಿಯೋ |
ದುರಿತಾಂಕುರ ಕಡಿಯೋ 1
ಘನಗುರುರಾಯನ ಕರುಣವ ಪಡಿಯೋ |
ಅನುಭವಾಮೃತ ಕುಡಿಯೋ 2
ಮಹಿಪತಿಸುತ ಪ್ರಭು ನಾಮವ ನುಡಿಯೋ |
ಸ್ವಹಿತದಲೀ ನಡಿಯೋ 3