ಮೂರ್ತಿಧ್ಯಾನ
ಕಮಲಜ ಹೃತ್ಸರೋವರ ಕಂಜವೆಂಸಾ
ಮನುಜ ಹೃದ್ವ್ಯೋಮದಿ ಮಿಂಚಿನಂತೆಸೆವಾ
ಧ್ವಜವಜ್ರ ಪದುಮ ಪತಾಕಾಂಕುಶ ವಹ
ನಿಜಕಾಂತಿಯಲರುಣಾಬ್ಜದಂತೆಸೆವಾ
ಪದತಳದ ಮೇಲೆ ಥಳಥಳಿಸುತಲಿಹ
ಪದುಮಭವಾಂಡ ಭೇದನದಕ್ಷವೆನಿಸುವಾ
ಸುರವಾಹಿನಿಗೆ ತೌರುಮನೆ ತಾನಹ
ದುರುಳ ಶಕಟತನುಚೂರ್ಣೀಕೃತವಹ
ಪಾರ್ಥಶರೀರ ರಕ್ಷಣಕರ್ತೃತಾನಹ
ಪಾತಕ ಪರಿಹರವಹ
ಉಂಗುಟದಿಂ ಭುವನಗಳತಿಗಳ
ಹಿಂಗಿಪ ನಖಪಂಕ್ತಿಗಳ ಕಿರಣಗಳಾ
ವೀರಮುದ್ರಿಕೆಯ ಮಂಟಿಕೆಯಕಾಂತಿಗಳಾ
ವೋರಂತೆ ಪೆರ್ಚಿಹ ಪಾದಾಂಗುಲಿಗಳಾ
ತೊಳಪ ಕಡೆಯ ಪೆಂಡೆಯದ ತೊಡವು
ಗಳ ವೈಕುಂಠಗಿರಿ ವೇಂಕಟೇಶ ನಿನ್ನಾ |
ಚರಣಸೇವೆಯನೇ ಕರುಣಿಸಯ್ಯಾ