ರಂಗ ಬಾರೈಯ್ಯ ದೇವೋತ್ತುಂಗ ದಯಾಂತರಂಗ |
ಅಂಗಜನಯ್ಯ ನರಶಿಂಗಾ ಸಾರಸಾಪಾಂಗ ||
ಮಂಗಳ ಮಹಿಮಾ ವಿಹಂಗ
ಘೋರ ಭವಭಂಗರಹಿತ ರಣರಂಗ ವಿಜಯ ||
ಸನ್ನುತ ಶೃಂಗಾರಾಂಗ ರಮಾಂಗನಾಸಂಗ ಪ
ಶತಕೋಟಿ ಭಾಸ್ಕರ ಯುತತೇಜ ಮರುತಾಂತರ್ಗತ |
ಹರಿಮೃದು ಭಾಷಣ | ಕೌಸ್ತು ಭಾಭರಣ |
ಜಿತದಿತಿಸುತಬಾಲ | ಶ್ರಿತಭಕ್ತ ಮಂದಾರ |
ಪತಿತ ಪಾವನ ಶ್ರೀರಾಮ ಪಟ್ಟಾಭಿರಾಮ |
ಅತುಲಿತ ಚರಿತ ಕಾಮಿತ ಫಲದಾಯಕ |
ಶತ ಧೃತಿ ಜನಕಾಚ್ಯುತ ಸರ್ವೋತ್ತಮ |
ಸತತವು ನೀನೇ ಗತಿಯೆಂದೆನುತಲಿ |
ಹಿತದಿ ನಾನು ನಿಮ್ಮ ಸ್ತುತಿಸುತಲಿರುವೆನು 1
ನಂದನಂದನ ವೇಣುನಾದ ವಿನೋದ
ಜಗದ್ವಂದ್ಯ ಶ್ರೀವತ್ಸಲಾಂಛನ ವಾಸುಕಿಶಯನ |
ಮಂದಹಾಸ ಮುಚುಕುಂದವರದ ರಾಕೇಂದುವದನ |
ಗೋವಿಂದ ಇಂದಿರಾನಂದ
ಸಿಂಧು ಗಂಭೀರಾ |
ಮುಕುಂದ ಧರಣೀಧರ ಕುಂದರದನ
ಕಾಳಿಂದಿರಮಣ ಗಜೇಂದ್ರನ ಸಲಹಿದ
ಛೆಂದದೆನ್ನ ಮೊರೆಯಿಂದಿಗೆ ಲಾಲಿಸೊ
ಪರಮಾತ್ಮ ಸರಸಿಚೋದರ ಸಕಲಾಣುರೇಣು ಪರಿಪೂರ್ಣ 2
ನಿರುಪಮಧೀರ
ಶರಣಾಗತ ರಕ್ಷಣ ಮಧುಸೂದನ
ಸುರವರ ಪೂಜಿತ ಚರಣಾಂಭೋರುಹ
ಕೃಪಾಕಾರ ಹರುಷದಲಿ 3