ಮಾತಿನೋಳ್ಮಾತಿಲ್ಲದ ಪಾತಕಜನಜತೆ
ಜನ್ಮಕೆ ಮಾಡಬೇಡಿರಪ್ಪ ಪ
ನೀತಿಗಡಕ ಮಹಕೋಟಿ ಕುಹಕರ ಸಂಗ
ಕೊಂಡ ಕಾಣಿರಪ್ಪ ಅ.ಪ
ಬಣಗು ಬಿನುಗರ ತಳ್ಳಿ
ಫಣಿಪನ ಸಹವಾಸ ಕೇಳಿರಪ್ಪ
ಅಣಕವಾಡುತ ಅನ್ಯಜನಸುದ್ದ್ಯೋಳ್ದಿನಗಳೆವ
ಶುನಕ ಜನಮಿಗಳನೊದೆಯಿರಪ್ಪ1
ಚಲನಚಿತ್ತದ ಬಲುಹೊಲೆಮತಿಗಳ
ಸಲಿಗೇಳೇಳು ಜನ್ಮಕೆ ಬೇಡಿರಪ್ಪ
ವಿಲಸಿತ ನಡೆನುಡಿ ತಿಳಿಯದದುರುಳರ
ಗೆಳೆತನ ಕಡೆತನಕ ಬಿಡಿರಪ್ಪ 2
ಧರ್ಮಗೆಟ್ಟು ದುಷ್ಕರ್ಮದುರುಳವ
ದುರ್ಮದ ಬಿಟ್ಟು ದೂರಾಗಿರಪ್ಪ
ನಿರ್ಮಲಸುಖ ನಿಜ ಮರ್ಮನವರಿಯದ
ಧರ್ಮಿಗಳೆದೆಯನು ತುಳಿಯಿರಪ್ಪ 3
ಸತ್ಯಸನ್ಮಾರ್ಗವ ಮರ್ತ ಅಸತ್ಯರ
ನೆತ್ತಿಮೇಲೆ ಹೆಜ್ಜಿಡಿರಪ್ಪ
ನಿತ್ಯಮುಕ್ತಿ ಸುಖ ಗುರ್ತರಿಯದೆ ಯಮ
ಮೃತ್ಯುವಶವ ಗೋಷ್ಠಿ ಬಿಡಿರೆಪ್ಪ 4
ಮರವೆ ಮಾಯಿಗಳ
ಚರಣದಿ ಮುಟ್ಟಿದಿರಪ್ಪ
ಪರಮ ಶ್ರೀರಾಮಪಾದ ಮರೆದ ದುರಾತ್ಮರ
ದರುಶನ ಕನಸಿನೋಳ್ಬೇಡಿರಪ್ಪ 5

ಮಾಯಕಾರಳೆ ಕಾಯೊ ಕರುಣದಿ
ಬಾಯಿ ಬಿಡುವೆನೆ ರುದ್ರಾಣಿ ಪ
ನೋಯಲಾರದೆ ದೇವಿ ಮರೆಹೊಕ್ಕೆ
ನೋವು ಕಳೆಯಮ್ಮ ಭವಾನಿ ಅ.ಪ
ಭಕ್ತಜನರಿಗೆ ಆಪ್ತಮಾತೃ ನೀ
ನಿತ್ಯೆ ನಿರ್ಮಲರೂಪಿಣೀ
ಭೃತ್ಯನೊಳು ದಯವಿತ್ತು ಪೊರೆ ಆದಿ
ಶಕ್ತಿ ದೈತ್ಯಸಂಹಾರಿಣಿ 1
ಶುಂಭ ನಿಶುಂಭರೆಂಬ ಖಳರ
ಜಂಬ ಮುರಿದೌ ಚಂಡಿಕೆ
ಅಂಬೆನಿನ್ನನು ನಂಬಿ ಭಜಿಪೆ
ಇಂಬುಗೊಟ್ಟು ಸಲಹಂಬಿಕೆ 2
ಸುರರ ಮೊರೆಕೇಳಿ ದುರುಳÀರ್ಹಾವಳಿ
ದೂರಮಾಡಿ ಶೌರಿಯೆ
ನೀ(ರಟ)ಸಿದವರಿಗೆ ವರವ ಕರುಣಿಸಿ
ಕರುಣ ದೋರಿದೌದರಿಯೆ 3
ಅನ್ನಪೂರ್ಣೆಯೆ ನಿನ್ನ ಪಾದ
ವನ್ನು ಭಜಿಸುವೆ ಕಲ್ಯಾಣಿ
ಭಿನ್ನವಿಲ್ಲದೆ ನಿನ್ನ ಸುತಗೆ ಸುಖ
ವನ್ನು ಕೊಡೆ ನಾರಾಯಣೆ 4
ರಾಮದಾಸರ ಪ್ರೇಮ ಜನನಿಯೆ
ನೇಮದಿಂ ನಿನ್ನ ಪಾಡುವೆ
ಹೈಮಾವತಿ ಎನ್ನ ಕಾಮಿತಾರ್ಥವ
ಪ್ರೇಮದಿಂ ನೀಡು ಕರುಣಿಯೆ 5

ಮಾಯಾ ಭ್ರಮಿತನಾದ ಮೂಢನಪರಾಧ ಶತವನು ಪಗುಣ ಮೂರರೊಳು ಬದ್ಧನಾಗಿ ಮತ್ತೆಗುಣಕಾರ್ಯ ವಿಷಯಂಗಳೊಳು ಸಕ್ತನಾಗಿಗುಣ ಹತ್ತರಭಿಮಾನಿಯಾಗಿ ುಪ್ಪಗುಣಹೀನನಿಗೆ ಜ್ಞಾನ ದೊರಕೊಳ್ಳದಾಗಿ 1ಪುಣ್ಯ ಪಾಪ ಮಿಶ್ರವೆಂಬ ಕರ್ಮಜನ್ಯವಾದ ಸ್ಥೂಲದೇಹ ತಾನೆಂಬಭಿನ್ನಮತಿಗೆ ದೊರಕೊಂಬ ಜ್ಞಾನವಿನ್ನುಂಟೆ ನಿರ್ಣೈಸೆ ಸುಗುಣ ಕದಂಬ 2ಚಂಚಲವಾಗಿಪ್ಪ ಮನವು ಅಲ್ಲಿವಂಚನೆುಂ ಮಾಳ್ಪ ಸ್ತುತಿ ಪೂಜೆ ಜಪವುಸಂಚಿತವಾುತಘ ವ್ರಜವು ಹೀಗೆವಂಚಿಪ ಮಾಯೆಯ ಗೆಲಲಾರಿಗಳವು 3ಕರ್ಮಕಲಾಪವ ಕಳಿದು ಚಿತ್ತನಿರ್ಮಲನಾಗಿ ಬ್ರಹ್ಮವ ನೆರೆ ತಿಳಿದುಹಂಮಳಿದುಳಿವದೆಲ್ಲಿಯದು ನೀನುಸುಮ್ಮನಿರದೆ ಕಾಯೆ ಸುಲಭವಾಗಿಹುದು 4ಬಂಧನವಿದ ಪರಿಹರಿಸು ಕೃಪೆುಂದಲಿ ಭವದಿಂದಲೆನ್ನನುದ್ಧರಿಸು ತಂದೆ ನೀ ತಿರುಪತಿಯರಸು ಲೋಕಬಂಧು ಶ್ರೀ ವೆಂಕಟರಮಣ ನಿರೀಕ್ಷಿಸು 5ಓಂ ವಿಶ್ವರೂಪ ಪ್ರದರ್ಶಕಾಯ ನಮಃ

ಮಾರುತೀ ಕೊಡು ಭಕುತಿ ನುಡಿಸು ಕೀರ್ತಿ ಪ
ತೋರೊ ನಿನ್ನೊಳು ಇಹ ನಿರ್ಮಲ ಮೂರುತಿಯಅ.ಪ
ಶ್ರವಣಮಾಡಲು ಭಕುತಿ ಆವಕಾಲಕು ಇತ್ತು
ತವಪದದಾಸರ ದಾಸ್ಯ ಕೊಡಿಸೋ ದೇವ 1
ಕೀರ್ತನದೊಳು ಹರಿಕೀರ್ತಿ ಕೊಂಡಾಡೆ ಸಂ
ಕೀರ್ತನ ಭಕುತಿಗೆ ಕರ್ತದಾತ ನೀನೆ2
ಸ್ಮರಣೆಯು ಹರಿಯಲ್ಲಿ ನಿರುತವು ನಿನ್ನಲ್ಲಿ
ಕರುಣಿಸಿ ಪೊರೆಯೊ ಗುರುವರ ಸುಂದರ 3
ಪಾದ ಸೇವೆಯ ಕೊಡು ಸಾದರದಿಂದಲಿ
ಶ್ರೀಧರನಾ ಕೃಪಾಪಾತ್ರನೆಂದೆನಿಸಯ್ಯ 4
ಅಚ್ಯುತನಿಗೆ ನೀನಚ್ಚುಮೆಚ್ಚಾಗಿಹೆ
ನಿಚ್ಚದಿ ಹರಿಪಾದರ್ಚನೆ ಮಾಡಿಸಯ್ಯ 5
ವಂದನಾಭಕುತಿ ಎನ್ನಿಂದ ನೀ ಮಾಡಿಸಿ
ನಂದನಂದನಗಾನಂದಪಡಿಸೊ ದೇವ 6
ದಾಸಭಕುತಿ ಭಾಗ್ಯ ಆಶಿಸುವೆನು ನಿನ್ನ
ವಾಸುದೇವನ ನಿಜದಾಸನೆ ಸರ್ವದಾ 7
ಸಖ್ಯಭಕುತಿ ಕೊಡೋ ಮುಖ್ಯಪ್ರಾಣೇಶನೆ
ಮುಖ್ಯಕಾರಣ ಹರಿಯ ಮುಖ್ಯ ಪ್ರೇಮಪಾತ್ರ 8
ಆತ್ಮನಿವೇದನ ಭಕುತಿಯನ್ನು ಪರ
ಮಾತ್ಮನಲ್ಲಿತ್ತು ನಿರ್ಮಲಾತ್ಮನೆಂದೆನಿಸೊ 9
ನವವಿಧ ಭಕುತಿಯ ಕೊಟ್ಟು ಸಲಹೋ ದೇವ
ಅವಕಾಲಕು ಪವಮಾನ ನೀನೆ ಗತಿ 10
ಸಂಕಟ ಹರಿಪ ಶ್ರೀ ವೇಂಕಟೇಶನ ದೂತ
ಭಂಟನೆಂದೆನಿಸೆನ್ನ ಸಂಕಟ ಹರಿಸಯ್ಯ11

ಮಾಲಕೌಸ್ತುಭ ಸತ್ಯಭಾಮಲೋಲ ನೀಲಶಾಮಸುಂದರ
ಕಾಲಕಾಲದಿ ಬಿಡದೆ ಎನ್ನ ಪಾಲಿಸಭವನೆ ಪ
ಭುವನವೀರೇಳು ಸೂತ್ರಧಾರ ಭವದರೋಗಕ್ವೈದ್ಯ
ಭಕ್ತಭಯ ಪರಿಹಾರ ಸತ್ಯ ಬುವಿಜಾಮನೋಹರ 1
ಕೋಮಲಾಂಗ ಭಜಕಜನರ ಕಾಮಿತಾರ್ಥ ಕೊಡುವ ಸುರ
ಕಾಮಧೇನು ಕಲ್ಪವೃಕ್ಷ ಸ್ವಾಮಿ ದಯಾಕರ 2
ಸಾರ ಮಾಯಾಮೋಹವಿದೂರ ಕೇಶವ 3
ಪರಕೆ ಪರಮ ಪರಾತ್ಪರ ಮರಣರಹಿತ ಮಾರಮಣ
ಉರಗಶಾಯಿ ಪರಮಪುರುಷ ಶರಣು ಸುಖಕರ 4
ನಿಗಮವೇದ್ಯ ನಿರುಪಮಾತ್ಮ ಅಗಣಿತಗಣಿತಗಮ್ಯಚರಿತ
ಸುಗುಣ ಶಾಂತಾಕಾರ ಮೂರು ಜಗದ ಪಾಲಯಾ 5
ಸಕಲವಿಘ್ನದೂರ ನಿನ್ನ ಭಕುತಿಯಿಂದ ಭಜಿಸಿಬೇಡ್ವೆ
ಮುಕುತಿಸಂಪದ ನೀಡಿ ಸಲಹು ಭಕ್ತವತ್ಸಲ 6
ಕಂದಮಾಡಿದಪರಾಧಗಳ ತಂದೆ ದಯದಿ ಕ್ಷಮಿಸಿ ಬಂದ
ಬಂಧಗಳನು ಪರಿಹರಿಸಯ್ಯ ಸಿಂಧುಮಂದಿರ 7
ನಾನಾಯೋನಿಯೊಳಗೆ ಪುಟ್ಟಿ ಜ್ಞಾನಗೆಟ್ಟು ಬಳಲುವಂಥ
ಹೀನ ಬವಣೆ ತಪ್ಪಿಸಯ್ಯ ದೀನಪಾಲ 8
ನಿರುತ ನಿನ್ನ ಚರಣದೆಡೆಗೆ ಬರುವ ಸುಲಭಮಾರ್ಗ ಆವು
ದ್ವರವ ಪಾಲಿಸೊಲಿದು ಎನಗೆ ಕರುಣಸಾಗರ 9
ದೋಷದಾರಿದ್ರ್ಯಗಳೆಲ್ಲ ನಾಶಗೈದು ಹರಿಯೆ ನಿಮ್ಮ
ದಾಸನೆನಿಸುದ್ಧಾರಮಾಡು ದೋಷನಾಶನ 10
ಮರೆಯಬಿದ್ದ ತರಳನನ್ನು ಕರುಣದೃಷ್ಟಿಯಿಂದ ನೋಡಿ
ಸರ್ವಭಯ ಪರಿಹಾರಮಾಡು ಹರಿಸರ್ವೋತ್ತಮ 11
ನಿನ್ನ ಒಲವು ಬಲವು ಎನಗೆ ಅನ್ಯಬಲವ ಒಲ್ಲೆಸ್ವಾಮಿ
ಮನ್ನಿಸಬೇಕಿನ್ನು ಮಗನ ಸನ್ನುತಾಂಗನೆ 12
ನಂಬಿ ಭಜಿಪ ಬಕ್ತಜನರ ಇಂಬುದಾಯಕ ನೀನು
ಇಂಬುಗೊಟ್ಟು ಸಲಹು ಎನ್ನ ಅಂಬುಜಾಕ್ಷನೆ 13
ಏನುತಪ್ಪು ಇರಲು ನೀನೆ ದಯದಿ ಕ್ಷಮಿಸಿ ಇನ್ನು
ನಾನಾಬೇನೆ ಕಳೆದು ಕಾಯೊ ಜಾನಕೀಶನೆ 14
ಚಾರುವೇದ ಪೊಗಳುವಂಥಪಾರ ನಿನ್ನ ದಿವ್ಯಮೂರ್ತಿ
ತೋರಿಧನ್ಯನೆನಿಸು ಎನ್ನ ನಾರಸಿಂಹನೆ 15
ಭಾರ ನಿನ್ನದಯ್ಯ ಬಂದ ಘೋರ ತಾಪತ್ರಯಂಗಳಿಂದ
ಪಾರುಮಾಡಿ ಕಾಯುವುದು ಕಾರುಣ್ಯ ನಿಧೆ 16
ಪ್ರಾಣಹಾರಿ ಹೋಗಲು ನಿನ್ನ ಧ್ಯಾನವಗಲದಂತೆ ಎನಗೆ
ತ್ರಾಣಪಾಲಿಸಯ್ಯ ಮೊದಲು ಧ್ಯಾನದಾಯಕ 17
ದಾಸನರಿಕೆ ದಯದಿ ಪೂರೈಸಿ ಕಾಯಬೇಕು ದೇವ
ಘಾಸಿಗೈಯದೆ ರಕ್ಷಿಸಯ್ಯ ದಾಸಪ್ರಿಯನೆ 18
ಕೆಟ್ಟಶಕುನರಿಷ್ಟ ಸ್ವಪ್ನ ತಟ್ಟಬೇಕೆ ನಿನ್ನ ಪಾದ
ನಿಷ್ಠೆಯಿಂದ ಭಜಿಪರ್ಗೆ ಸೃಷ್ಟಿಕರ್ತನೆ 19
ನಿತ್ಯ ನಿರ್ಮಲಾತ್ಮ ನಿನ್ನ ನಿತ್ಯಭಕ್ತಿ ಸುಖವನಿತ್ತು
ಸತ್ಯಸಂಧನೆನಿಸು ಎನ್ನ ಸತ್ಯರಾಧಾರ 20
ಮರವೆ ತರಿದು ಹರಿಯೆ ನಿಮ್ಮ ಕರುಣ ನೀಡಿ
ಮರಣ ಭಯವ ಪರಿಹರಿಸಯ್ಯ ಸಿರಿಯವಲ್ಲಭ 21
ಭಾನುಕೋಟಿಪ್ರಕಾಶ ನಿನ್ನ ಧ್ಯಾನಿಸಿ ಮರೆಹೊಕ್ಕೆ
ನಾನಾಬೇನೆ ಗೆಲಿಸಿ ಕಾಯೊ ದಾನವಾಂತಕ 22

ಮುಂದೆನಗೆ ಗತಿಯೇನೋ ಇಂದಿರೇಶಾ
ತಂದೆ ನೀನೆಂದೆನುತ ತಪ್ಪನೊಪ್ಪಿಸುವೇ ಪ
ಶ್ರೀಕಾಂತನೇ ನಿನಗೆ ಅಭಿಷೇಕ ಮಾಡದೆಯೆ
ನಾ ಕಂಠಪರಿಯಂತ ಕುಡಿದೆನೊ ಹಾಲ
ಬೇಕೆಂದು ಹರಿವಾಸರಂಗಳಾಚರಿಸದೆಯೆ
ಸಾಕೆಂಬವೊಲು ಸುಖವ ಸೂರೆಗೊಂಡೇ 1
ಅತಿಶಯದಿ ನಾನಿನ್ನ ಪೂಜೆಯನು ಮಾಡದೆಯೆ
ಸತಿಸುತರೆ ಸರ್ವಸ್ವವೆಂದಿರ್ದೆನೋ
ಹಿತಮಿತ್ರ ಬಾಂಧವರೊಳತಿ ವಂಚನೆಯಮಾಡಿ
ಮತಿವಿಕಳನಾದೆನೋ ಪತಿತಪಾವನನೇ 2
ಕಲ್ಯಾಣ ಸಮಯದಲಿ ಕಲಹಗಳ ಹೂಡುತ್ತ
ಉಲ್ಲಪದಿ ನಾಕುಳಿತು ನೋಡುತಿದ್ದೆ
ಸಲ್ಲಲಿತ ವಾಕ್ಯಗಳನಾಡದೆಯೆ ಸರ್ವತ್ರ
ಖುಲ್ಲುಮಾತುಗಳಾಡಿ ನೋಯಿಸಿದೆ ನರರ 3
ತಾರೆಂಬುದಕೆನಾನು ತೌರುಮನೆಯಾಗಿರುವೆ
ಪಾರಮಾರ್ಥಕವಾಗಿ ಕೊಡುವುದರಿಯೆ
ವೀರವೈಷ್ಣವರಲ್ಲಿ ವಂದಿಸದೆ ದೂಷಿಸುತ
ಘೋರಪಾತಕಿಯಾಗಿ ಇರುವೆಯೀ ಜಗದಿ 4
ನರ್ಮದಾನದಿ ಸ್ನಾನ ನಿರ್ಮಲೋದಕಪಾನ
ಧರ್ಮ ಮರ್ಮಗಳರಿತು ಮಾಡುವುದು ದಾನ
ಪೆರ್ಮೆಯಂಶ್ರೀಹರಿಯ ಧ್ಯಾನ ನಿದಾನ
ನೆಮ್ಮದಿಯ ಮಾರ್ಗದಿಂ ಪೊರೆ ನಾನು ದೀನ 5
ನಿತ್ಯ ಜೀವಿಸುವುದನ್ನು
ಕಾಡದೆಯೆ ಕಡೆಯಲ್ಲಿ ಉಸಿರುಬಿಡುವುದನು
ನೋಡುತ್ತ ಗುರುತರದ ಶ್ರೀಪತಿಯ ಪದಯುಗಕೆ
ಗಾಢದಿಂ ಮುಡಿಯಿಕ್ಕಿ ಪಿಡಿವಂತೆ ಮಾಡು 6
ನೀನು ಒಲಿಯುವ ಪರಿಯದಾವುದನು ಮಾಡಿಲ್ಲ
ಏನು ಮಾಡಲು ಎನಗೆ ಮನಸು ಬರದು
ದೀನ ಪಾಲಕ ನಮ್ಮ ಹೆಜ್ಜಾಜಿ ಕೇಶವನೆ
ಸಾನುರಾಗದಿ ನಿನ್ನ ಧ್ಯಾನಿಪುದ ನೀಡೈ7

ಮೂಲ ಕಾರಣ ವಿಠಲ | ಪಾಲಿಸಿವಳಾ ಪ
ಲೀಲಾ ಮನೋರೂಪ | ಬಾಲಗೋಪಾಲಾ ಅ.ಪ.
ಕರ್ಮಕರ್ಮಗಳ | ಮರ್ಮಗಳ ತಿಳಿಸುತ್ತಕರ್ಮ ನಾಮಕ ಕಾಯೊ | ಪೇರ್ಮೆಯಲಿ ಇವಳಾದುರ್ಮತಧ್ವಾಂತಾಕ | ಸಮೀರ ಮತ ತಿಳಿಸಿನಿರ್ಮಲಾತ್ಮನೆ ಸಲಹೊ | ಭರ್ಮ ಗರ್ಭಾತ್ಮ 1
ಸುಖ ದುಃಖ ದ್ವಂದಗಳು | ಸಕಲಕ್ಕು ಶ್ರೀ ಹರಿಯೆಮುಖ್ಯ ಕಾರುಣಾನೆಂಬ | ಸುಖತೀರ್ಥ ಭಾವಾ |ಕಕುಲಾತಿಯಿಲ್ಲದೆ | ತ್ರೈಕರಣ ಪೂರ್ವಕದಿನಿಖಿಲಾತ್ಮ ಕೃತವೆಂಬ | ಯುಕುತಿಯನೆ ತಿಳಿಸೋ 2
ಪತಿಸುತರು ಹಿತರಲ್ಲಿ | ವ್ಯಾಪ್ತನಾಗಿಹ ಹರಿಯಹಿತದಿಂದ ಸೇವೆಯಲಿ | ಕೃತಕೃತ್ಯಳೆನಿಸಿಮತಿಮತಾಂವರರಂಘ್ರಿ | ಶತಪತ್ರ ನಮಿಪ ಸ-ನ್ಮತಿಯನ್ನೆ ಪಾಲಿಸೋ | ಕೃತಿರಮಣದೇವ 3
ಗಜ ಪಂಚಾಸ್ಯ | ಪರಿಹರಿಸಿ ಇವಳ ಘವಸರ್ವದ ಪೊರೆಯಲ್ಕೆ | ಹರಿಯೆ ಬಿನ್ನವಿಪೇ 4
ಸೃಷ್ಟಿ ಸ್ಥಿತಿ ಸಂಹಾರ | ಅಪ್ಟ ಕರ್ತೃತ್ವಗಳಸುಷ್ಠು ಚಿಂತನೆಯಲ್ಲಿ | ನೆಟ್ಟ ಮನವಿರಿಸೀಕೃಷ್ಣ ಗುರು ಗೋವಿಂದ | ವಿಠಲನೇ ಗತಿಯೆಂಬಶ್ರೇಷ್ಠ ಮತಿಯಲಿ ಭವದ | ಕಟ್ಟನೇ ಬಿಡಿಸೋ5

ಮೂಳಾ ಹರಿದ್ಹಾಕೆಲೋ ಮಾಯದ ಜಾಲ
ಹಾಳುಜಗದ ಮಾತಿಗ್ವ್ಯಾಕುಲವ್ಯಾಕೆಲೋ ಪ
ಅನ್ಯಗುಣಗಳನು ಅನ್ನಗೇಡಾಗಿ ಬಲು
ಭಿನ್ನ ಭೇದದಧೋಪಾತದುರುಳತಿರು
ಕುನ್ನಿಮಾನವರ ಭಿನ್ನಭೇದಕಂಡು
ನಿನ್ನ ಗುಣವ ಬಿಟ್ಟು ಬನ್ನಬಡಲಿಬೇಡ 1
ಕರ್ಮಿಲೋಭಿಗಳ ಮೋಹದಿಂದ ದು
ಷ್ಕರ್ಮದಿ ಬಿದ್ದು ಕುಂಭೀಪಾಕಕ್ಕಿಳಿದರೇನು
ಧರ್ಮಕರ್ಮಗಳ ಮರ್ಮ ತಿಳಿದು ಸ
ದ್ಧರ್ಮದೊಳಾಡುತ ನಿರ್ಮಲನಾಗಿ ಬಾಳು 2
ಶಿಷ್ಟಪದ್ಧತಿಗಳ ಬಿಟ್ಟುಕೊಟ್ಟು ಮಂದಿ
ಕೆಟ್ಟಪದ್ಧತಿ ಸುದ್ದಿಯಾಡುವುದ್ಯಾಕೆಲೋ
ಸೃಷ್ಟಿಯೊಳಗೆ ನಮ್ಮ ಶಿಷ್ಟ ಶ್ರೀರಾಮನ
ಮುಟ್ಟಿಪೂಜಿಸಿ ಮುಕ್ತಿಪಟ್ಟಕ್ಕೆ ಕೂಡ್ರೆಲೋ 3

ಮೇಲ್ ಮೇಲ್ ಮೇಲ್ ಮೇಲ್ ಹರಿನಾಮ
ಮೇಲು ಮೂಜಗಸೂತ್ರ ಹರಿನಾಮ ಪ
ಕಾಲಕುಜನಕುಲ ಹರಿನಾಮ
ಪಾಲಸುಜನಗಣ ಹರಿನಾಮ
ಜಾಲಮಾಯ ದರ್ಪಣ್ಹರಿನಾಮ
ವಿಶ್ವ ಹರಿನಾಮ ಅ.ಪ
ಶರನಿಧಿಮಂದಿರ ಹರಿನಾಮ
ಶರಧಿಮಥನ ಮುರಹರಿನಾಮ
ಪುರತ್ರಯಸಂಹರ ಹರಿನಾಮ
ಸುರಗಣಭೋಜನ ಹರಿನಾಮ
ಶರಣರ ಸಿರಿತಾನ್ಹರಿನಾಮ
ಪರತರ ಪಾವನ ಹರಿನಾಮ1
ಶಾಪವಿಮೋಚನ ಹರಿನಾಮ
ತಾಪತ್ರಯಗಳ್ಹರ ಹರಿನಾಮ
ಗೋಪೇರಾನಂದ ಲೀಲ ಹರಿನಾಮ
ಕಪಾಲಧರನುತ ಹರಿನಾಮ
ಗೌಪ್ಯಕೆ ಗೌಪ್ಯದ ಹರಿನಾಮ 2
ದುರಿತ ದಾರಿದ್ರ್ಯ ದೂರ್ಹರಿನಾಮ
ಪರಿಹರ ಜರಾಮರಣ್ಹರಿನಾಮ
ನರನ ಸಿರಿಯ ಭಾಗ್ಯ ಹರಿನಾಮ
ಸುರತರು ಹರಿನಾಮ
ಅರಿವಿನ ಅರಮನೆ ಹರಿನಾಮ
ಪರಕ ಪರಮಸಿರಿ ಹರಿನಾಮ 3
ನಿಜಮತಿ ಭಂಡಾರ ಹರಿನಾಮ
ಕುಜಮತಿ ಖಂಡನ ಹರಿನಾಮ
ಭಜಕರನಿಜಧೇನ್ಹರಿನಾಮ
ಭುಜಗಾದ್ರಿ ಪರ್ಯಂಕ ಹರಿನಾಮ
ದ್ವಿಜರಿಗಮೃತನಿಧಿ ಹರಿನಾಮ
ಅಜನಿಗುತ್ಪತ್ತಿ ಮಂತ್ರ ಹರಿನಾಮ 4
ವೇದಗಳಾಧಾರ ಹರಿನಾಮ
ಸಾಧುಸಂತ ಪ್ರೇಮ ಹರಿನಾಮ
ಭೇದವಾದÀರಹಿತ್ಹರಿನಾಮ
ಸಾಧಿಸಲಸದಲ ಹರಿನಾಮ
ಆದಿ ಅನಾದಿವಸ್ತು ಹರಿನಾಮ
ಭೋಧ ಸ್ವಾದಸಾರ ಹರಿನಾಮ 5
ಕಾಲ ಹರಿನಾಮ
ಕೀಳರ ಎದೆಶೂಲ್ಹರಿನಾಮ
ಶೀಲರ ಜಪಮಾಲ್ಹರಿನಾಮ
ಲೋಲಗಾನಪ್ರಿಯ ಹರಿನಾಮ
ಕೀಲಿ ವೇದಾಂತದ ಹರಿನಾಮ
ಫಾಲನೇತ್ರಗೆ ಶಾಂತಿ ಹರಿನಾಮ 6
ಪ್ರಳಯಕೆ ಅಳುಕದ ಹರಿನಾಮ
ಪ್ರಳಯ ಪ್ರಳಯಗೆಲುವ್ಹರಿನಾಮ
ಮಲಿನದಿ ಸಿಲುಕದ ಹರಿನಾಮ
ಚಲಿಸದ ನಿರ್ಮಲ ಹರಿನಾಮ
ಬೆಳಗಿನ ಬೆಳಗೀ ಹರಿನಾಮ
ಕುಲಮುನಿ ಪಾವನ ಹರಿನಾಮ 7
ವಿಷಮಸಂಸಾರಖಡ್ಗ ಹರಿನಾಮ
ವ್ಯಸನಕಾಷ್ಠಕಗ್ನಿ ಹರಿನಾಮ
ವಿಷಕೆ ಮಹದಮೃತ ಹರಿನಾಮ
ಮಸಣಿಮಾರಿಧ್ವಂಸ ಹರಿನಾಮ
ಅಸಮಸುಖದ ಋಣಿ ಹರಿನಾಮ
ವಸುದೇಜೀವಜೀವಳ್ಹರಿನಾಮ8
ಧರ್ಮಶಾಸ್ತ್ರದ ಗುಟ್ಟು ಹರಿನಾಮ
ಮರ್ಮ ತಿಳಿಸುವ ರಟ್ಟು ಹರಿನಾಮ
ಕರ್ಮ ಕಡಿಯುವ ಶಸ್ತ್ರ ಹರಿನಾಮ
ನಿರ್ಮಲಾನಂದ ಪದವೀ ಹರಿನಾಮ
ನಿರ್ಮಾಣ ನಿಜಜ್ಞಾನ ಹರಿನಾಮ
ಬ್ರಹ್ಮಕಿಟ್ಟಿಗುರಿ ಹರಿನಾಮ 9
ಭವಗುಣಮರ್ದನ ಹರಿನಾಮ
ಭವನಿಧಿ ಸೇತುವೆ ಹರಿನಾಮ
ಭವನ ಭೀತಿಹರ ಹರಿನಾಮ
ರವಿಕುಲ ಪಾವನ ಹರಿನಾಮ
ಬುವಿತ್ರಯ ಪವಿತ್ರ ಹರಿನಾಮ
ಸಾಯುಜ್ಯಪದಸ್ಥಾನೀ ಹರಿನಾಮ 10
ಸತ್ಯಕ್ಕೆ ಬಹು ನಿರ್ಕು ಹರಿನಾಮ
ಮಿಥ್ಯಕ್ಕೆ ಅನರ್ಥ ಹರಿನಾಮ
ನಿತ್ಯಕ್ಕೆ ಮಹಸುರ್ತು ಹರಿನಾಮ
ಚಿತ್ತಕ್ಕೆ ಚಿಜ್ಜ್ಯೋತಿ ಹರಿನಾಮ
ಅರ್ತವರಿಗೆ ಗುರ್ತು ಹರಿನಾಮ
ಭೃತ್ಯಜನರ ಮತ್ತು ಹರಿನಾಮ 11
ಮಾಯಕ್ಕೆ ಪ್ರತಿಮಾಯ ಹರಿನಾಮ
ಮಾಯ ಕತ್ತಲುನಾಶ ಹರಿನಾಮ
ಕಾಯಕ್ಕೆ ಶೋಭಾಯ ಹರಿನಾಮ
ಭಾವಕ್ಕೆ ಪರಿಶುದ್ಧ ಹರಿನಾಮ
ತಾಯಿತಂದೆ ಜೀವಕ್ಹರಿನಾಮ
ಅಮೃತ ಹರಿನಾಮ 12
ಪುಣ್ಯ ಶರಧಿಗೆ ಚಂದ್ರ್ಹರಿನಾಮ
ಮನ್ನಣೆ ಮೂಲೋಕದ್ಹರಿನಾಮ
ಧನ್ಯರಿಗೆ ಧನ್ಯ ಹರಿನಾಮ
ಉನ್ನತ ಸಾಮ್ರಾಜ್ಯ ಹರಿನಾಮ
ಮುನ್ನ ಕೈವಲ್ಯಪದ ಹರಿನಾಮ
ಸನ್ನಿಧಿ ವೈಕುಂಠ ಹರಿನಾಮ 13
ನಿಗಮಕೆ ಸೊಬಗಿನ ಹರಿನಾಮ
ಸುಗುಣರೊಳ್ನೆಲೆಗೊಂಡು ಹರಿನಾಮ
ಅಗೋಚರ ಆಗಮಕ್ಹರಿನಾಮ
ಸೊಗಸುವ ಭಕ್ತರಲ್ಹರಿನಾಮ
ಅಗಜೇಶ ಪೊಗಳುವ ಹರಿನಾಮ
ಅಗಜೆಯು ಒಪ್ಪಿದ ಹರಿನಾಮ 14
ವಿಮಲ ಗುಣಗಣ ಹರಿನಾಮ
ದಮೆ ದಯಾನ್ವಿತ ಹರಿನಾಮ
ಶಮೆ ಶಾಂತಿಮಂದಿರ ಹರಿನಾಮ
ಸುಮನಸ ಕಲ್ಪದ್ರುಮ ಹರಿನಾಮ
ನಮಿತ ಸುರಾದ್ಯರಖಿಲ ಹರಿನಾಮ
ಅಮಿತ ವಿಶ್ವರೂಪ ಹರಿನಾಮ 15
ಮೂರು ಕಾಲದರಿವದ್ಹರಿನಾಮ
ಮೂರಾರಿಕ್ಕಡಿಗೈವುದ್ಹರಿನಾಮ
ಪಾರಪಂಚ ಪರುಷ್ಹರಿನಾಮ
ಸಾರಸೌಖ್ಯಾಂಬುಧಿ ಹರಿನಾಮ
ದಾರಿ ವೈಕುಂಠಕ್ಕೆ ಹರಿನಾಮ
ಸೇರಿ ದಾಸರನಗಲದ್ಹರಿನಾಮ 16
ಭಕ್ತವತ್ಸಲ ಜಯ ಹರಿನಾಮ
ಮುಕ್ತಿದಾಯಕ ಜಯ ಹರಿನಾಮ
ಹತ್ತಾವತಾರ ಜಯ ಹರಿನಾಮ
ಸತ್ಯ ಶೀಲ ಜಯ ಹರಿನಾಮ
ನಿತ್ಯ ನಿರುಪಮ ಜಯ ಹರಿನಾಮ
ಕರ್ತು ಶ್ರೀರಾಮ ಜಯ ಹರಿನಾಮ 17

ಯಾಕೆನಗೆ ವೈರಾಗ್ಯ ಪುಟ್ಟಲಿಲ್ಲವೊ ದೇವ
ಏನು ಪಾಪಿಯೊ ಜಗದಲಿ ಪ.
ಸಾಕು ಸಾಕೀ ವಿಷಯ ಚಿಂತನೆಯ ಬಿಡಿಸಿನ್ನು
ಲೋಕನಾಯಕನೆ ಸ್ವಾಮಿ ಅ.ಪ.
ಅಸನವಸನಗಳಿಗೆ ಆಲ್ಪರಿದು ಅನ್ಯರಿಗೆ
ಬಿಸಜನಯನನೆ ಕಾಲಹರಣೆಯನೆಗೈದೆ
ವಸುದೇವಸುತ ನಿನ್ನ ಅರಘಳಿಗೆ ನೆನೆಯದಲೆ
ಹಸಿವು ತೃಷೆಯಿಂ ಬಳಲಿ ಬೆಂಡಾದೆನಯ್ಯಾ 1
ಇಂದ್ರಿಯಗಳೆಲ್ಲವನು ಬಂಧನದೊಳಗೆ ಇರಿಸಿ
ಇಂದಿರೇಶನೆ ನಿನ್ನ ಧ್ಯಾನಿಸದಲೆ
ಮಂದಮತಿಯಿಂದ ನಾ ಮಮಕಾರದಲಿ ಬಿದ್ದು
ಮಂದ ಜನರೊಡನಾಡಿ ಮಾಯಕೊಳಗಾದೆ 2
ಭಕ್ತಿಮಾರ್ಗವ ಕಾಣೆ ಜ್ಞಾನ ಮೊದಲೆ ಅರಿಯೆ
ಮುಕ್ತಿಗೊಡೆಯನೆ ಎನ್ನ ಮುದದಿಂದ ಸಲಹೊ
ಯುಕ್ತಯುಕ್ತಿಗಳರಿಯೆ ಸುತ್ತುತಿಪ್ಪೆನೊ ಭವದಿ
ಶಕ್ತ ನೀ ಒಳಗಿದ್ದು ಎನ್ನ ಕಾಡುವರೆ 3
ಕರ್ಮಮಾರ್ಗವ ತೊರೆದು ನಿರ್ಮಲದಲಿ ನಿನ್ನ
ಒಮ್ಮೆಗಾದರೂ ಮನದಿ ನೆನೆಯಲಿಲ್ಲ
ರಮೆಯರಸನೆ ಶ್ರೀ ಗುರುಗಳಂತರ್ಯಾಮಿ
ಕರ್ಮತ್ರಯಗಳ ಕಡಿದು ಕರುಣದಲಿ ಕಾಯೊ4
ಪಾಪರಹಿತನೆ ಎನ್ನ ಪಾಪ ಕರ್ಮಗಳೆಲ್ಲ
ಪರಿ ನುಡಿದೆ ನೀ ಪರಿಹರಿಸಿ ಕಾಯೋ
ಗೋಪಾಲಕೃಷ್ಣವಿಠ್ಠಲನೆ ನೀನಲ್ಲದಲೆ
ಈ ಪಾಪಿಯನು ಕಾಯ್ವರಾರೊ ಶ್ರೀ ಹರಿಯೆ5

ರತುನ ಸಿಕ್ಕಿದೆ ತಮ್ಮ ಇದು ಬಹು
ಜತನೆಲೋ ನಿಸ್ಸೀಮ ರತುನ ಸಿಕ್ಕಿದೆ ಪ
ನಿನ್ನ ಸುಕೃತದ ಫಲದಿಂದ
ಪತಿತಪಾವನ ಸಿರಿಪತಿ ವಿಮಲನಾಮ ಅ.ಪ
ದುರಿತ ದಾರಿದ್ರ್ಯವಿಲ್ಲದ ಈ ರತ್ನದಿಂ
ಜರಮರಣಂಟಿಲ್ಲ
ನರಹರಿ ವರಪಾದ ಶರಣರು ಪರಕ್ಕೆ
ಪರಮ ಗೌಪ್ಯದಿಂದ ಶೋಧಿಸುತಿರುವಂಥ 1
ತಾಪತ್ರಯಗಳಿಲ್ಲ ಈ ರತ್ನದಿಂ
ಪಾಪ ಶಾಪವಿಲ್ಲ
ಪಾಪಿಯಮದೂತರ ಲೋಪಗೈದಯ ಭಯ
ಆಪಾರ ಪರಲೋಕ ಸೋಪಾನಕ್ಹಚ್ಚುವ2
ಧರ್ಮಕೆ ಕೊಡು ನದರ ಈ ರತ್ನದ
ಮರ್ಮ ತಿಳಿಯೆ ಚದರ
ಬ್ರಹ್ಮ ಬ್ರಹ್ಮಾದಿಗಳೊಮ್ಮನದ್ಹೊಗಳುತ
ನಿರ್ಮಲಾಗುವ ಪರಬ್ರಹ್ಮ ಶ್ರೀರಾಮನೆಂಬ 3

ರಾಘವೇಂದ್ರ ವಿಠಲ | ಪೊರೆಯ ಬೇಕಿವನ ಪ
ಯೋಗಿಯನೆಗೈಯುತ್ತ | ಯೋಗಮಾರ್ಗದಲಿ ಅ.ಪ.
ಪತಿ ಪ್ರಿಯನೇ 1
ಉತ್ತಮ ಸುಸಂಸ್ಕತಿಯ | ಪೊತ್ತು ಶ್ರಮಿಸುತ್ತಿಹಗೆಭಕ್ತಿ ಜ್ಞಾನಗಳನ್ನೆ | ಇತ್ತಿವನ ಸಲಹೋ |ಕರ್ತ ನೀನೆಂಬಮತಿ | ವ್ಯಕ್ತಿಗೈ ಇವನಲ್ಲಿಭಕ್ತಪರಿಪಾಲಕನೆ | ಅವ್ಯಕ್ತಮಹಿಮಾ 2
ಕರ್ಮಾಕರ್ಮಗಳ | ಮರ್ಮಗಳ ತಿಳಿಸುತ್ತಭರ್ಮಗರ್ಭನ ಪಿತನೆ | ಪೇರ್ಮೆಯಲಿ ಪೊರೆಯೋಕರ್ಮಗಳ ಮಾಳ್ಪಲ್ಲಿ | ನಿರ್ಮಮತೆ ನೀಡಯ್ಯನಿರ್ಮಲಾತ್ಮನೆ ಹರಿಯೆ | ಧರ್ಮಗಳ ಗೋಪ್ತಾ 3
ಸಾರ | ಉಣಿಸಿವಗೆ ಹರಿಯೆ 4
ಸರ್ವಜ್ಞ ಸರ್ವೇಶ | ಸರ್ವವ್ಯಾಪ್ತನೆ ದೇವಸರ್ವ ಪ್ರೇರಕ ಹರಿಯೆ | ಸರ್ವಾಂತರಾತ್ಮಾದುರ್ನಿಭಾವ್ಯನೆ ಗುರು | ಗೋವಿಂದ ವಿಠಲನೆದರ್ವಿ ಜೀವಿಯ ಪೊರೆಯೆ | ಬಿನ್ನವಿಪೆ ಹರಿಯೇ 5

ರಾಜ ಶಿರೋಮಣಿ ದಯಮಾಡೈ ಪ
ಕಾಲವಿಭೀತಿಯಿಂ ಬಾಲನು ಗೋಳಿಡೆ
ಶೂಲದೆ ಕಾಲನ ಸಂಹರಿಸಿದೆ 1
ಕ್ಷೀರಾಭ್ದಿ ಮಧ್ಯದೊಳ್ ಹಲವು ಪುಟ್ಟಲು
ಲೀಲೆಯೊಳೆಲ್ಲವ ನೀಂಟಿದೆ 2
ಕೈಲಾಸವಾಸ ಶೈಲಾಪ್ತ ಬಂಧುವೆ
ಬಾಲರಾಜಾಂಚಿತ ಭೂಷಣ 3
ನಿರ್ಮಲರೂಪ ನಿಷ್ಕಲ ಸ್ವರೂಪ
ಬ್ರಹ್ಮಮಸ್ತಕ ಕಾಲರೂಪ 4
ಫಾಲಾಕ್ಷದೇವ ಮಾಲಾ ಮನೋಹರ
ನೀಲಲೋಹಿತ ಧೇನುಭೂಪತೆ 5

ರಾಮ ರಾಮ ಹರಿ ರಾಮ ರಾಮ ಸೀತಾ
ರಾಮ ರಾಮ ನುತಪ್ರೇಮ ರಾಮ ಓಂ ಪ
ರಾಮ ರಾಮ ಪುಣ್ಯನಾಮ ಪಾಪವಿ
ರಾಮ ಕುಜನಕುಲ ಭೀಮ ರಾಮ ಓಂ ಅ.ಪ
ಶಾಮಸುಂದರ ಸುಖಧಾಮ ದಾಮೋದರ
ಕಾಮಿತದಾಯಕ ಸ್ವಾಮಿ ಶ್ರೀರಾಮ ಓಂ
ಸೋಮಕಸಂಹರ ಕಾಮಜನಕ ತ್ರೈ
ಭೂಮಿಪಾಲಯ ನಿಸ್ಸೀಮ ರಾಮ ಓಂ 1
ಕಡಲಮಥನ ಪಾಲ್ಗಡಲನಿಲಯ ಮಹ
ಕಡಲಬಂಧಕ ದಯಗಡಲ ರಾಮ ಓಂ
ಜಡಜನಾಭ ಭವತೊಡರು ನಿವಾರಣ
ಕಡಲಸುತೆಯ ಪ್ರಾಣದೊಡೆಯ ರಾಮ ಓಂ2
ದೋಷ ವಿನಾಶನ ಶೇಷಶಯನ ದಯ
ಭೂಷಣ ಕೇಶವ ರಾಮರಾಮ ಓಂ
ಭಾಸುರಕೋಟಿಪ್ರಕಾಶ ಅಪ್ರಮೇಯ
ಸಾಸಿರನಾಮಕ ರಾಮ ರಾಮ ಓಂ3
ಭಕ್ತಾಂತರ್ಗತ ಭಕ್ತವತ್ಸಲ
ನಿತ್ಯ ನಿರ್ಮಲಾತ್ಮ ರಾಮ ರಾಮ ಓಂ
ಸತ್ಯ ಸರ್ವೋತ್ತಮ ಮೃತ್ಯು ವಿಜಯ ನಿಜ
ಸತ್ಯಸಂಕುಲಧಾಮ ರಾಮ ರಾಮ ಓಂ 4
ಜಾನಕಿರಮಣ ದೀನ ಪಾಲನ
ದಾನವಾಂತಕ ಹರಿ ರಾಮ ಓಂ
ಧ್ಯಾನದಾಯಕ ಜಗತ್ರಾಣ ಪ್ರವೀಣ ಮಮ
ಪ್ರಾಣೇಶ ಶ್ರೀರಾಮ ನಮ:ನಮ:ಓಂ 5

ರಾಮಾಯನ್ನಮ:ರಾಮ ಸದಾ ಓಂ
ರಾಮಾಯನ್ನಮ:ರಾಮ ಪ
ವೇದಾದಿ ರಾಮ
ವೇದಾಂತರಾಮ
ವೇದಾಂತ ವೇದಾದಿಗಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 1
ವೇದಮಯ ರಾಮ
ವೇದ ನಿರ್ಮಯ ರಾಮ
ವೇದ ವೇದಾತೀತಕಾದಿ ರಾಮ ಮಹ
ದಾದಿಗಾದಿರಾಮ ( ಸದಾ) ಓಂ ಮಹ
ದಾದಿಗಾದಿ ರಾಮ 2
ನಾದಯುತಾದಿ ರಾಮ
ನಾದರಹಿತಾದಿ ರಾಮ
ನಾದಾತೀತಾದ್ಯನಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 3
ಆದಿಗಾದಿರಾಮ ಅ
ನಾದಿಗಾದಿರಾಮ
ಆದಿ ಅನಾದಿಗಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 4
ಸತ್ಪಥದಾದಿರಾಮ ¸ À
ಚ್ಚಿತ್ತದಾದಿರಾಮ
ಉತ್ಪತ್ತಿ ಸ್ಥಿತಿಲಯಕಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 5
ಸ್ವರ್ಗ ಭೋಗಾದಿ ರಾಮ
ಧೀರ್ಘಕ್ಕೆ ದೀರ್ಘಾದಿಗಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 6
ಜಪತಪದಾದಿ ರಾಮ
ಗುಪಿತ ಗುಪ್ತಾದಿ ರಾಮ
ಅಪರೋಕ್ಷ ಪರೋಕ್ಷಾದಿಗಾದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 7
ಮಂತ್ರಮಯಾದಿ ರಾಮ
ಮಂತ್ರ ತಂತ್ರಾದಿಗಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 8
ಮಾಯಮಯಾದಿ ರಾಮ
ಮಾಯ ನಿರ್ಮಯ ರಾಮ
ಮಾಯ ಮಾಯಾದಿಗಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 9
ಕಾಲಕಾಲದಿ ರಾಮ
ಕಾಲಮೂಲಾದಿ ರಾಮ
ಕಾಲಕಾಲನಿಗಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 10
ದಶರಥರಾಮ
ದಶರಥಗಾದಿ ರಾಮ
ದಶವಿಧೌತಾರದಾದಿಗಾದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 11
ದಿವ್ಯಮಹಿಮಾದಿ ರಾಮ
ಭವ್ಯಚರಿತಾದಿ ರಾಮ
ದಿವ್ಯ ದೇವರ ದೇವರಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 12
ಬ್ರಹ್ಮನೆಯಾದಿ ರಾಮ
ನಿರ್ಮಲಾತ್ಮಾದಿ ರಾಮ
ಬ್ರಹ್ಮ ಬ್ರಹ್ಮಾದಿಗಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 13
ಸತ್ಯ ಸತ್ಯಾದಿ ರಾಮ
ನಿತ್ಯ ನಿತ್ಯಾದಿ ರಾಮ
ತತ್ವ ಪಂಚದಾದಿಗಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 14
ಭುವಿತ್ರಯದಾದಿ ರಾಮ
ಭವಭವದಾದಿ ರಾಮ
ದಿವನಿಶಿಗಳಿಗಾದಿ ಆದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 15
ಬೋಧಾದಿಮಯ ರಾಮ
ಬೋಧಾದಿಗಾದಿ ರಾಮ ಸ
ಸಾಧನ ಸಿದ್ಧಿಯಾದಿಗಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 16
ನಿರ್ನಾಮ ರಾಮ
ನಿರ್ಗುಣ ನಿರಂಜನಾದಿಗಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 17
ಭಕ್ತಭಿರಾಮ
ಮುಕ್ತೀಶ ರಾಮ
ನಿತ್ಯ ನಿರ್ಮಲ ಜಗದಾದಿರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 18
ಚಿನುಮಯ ರಾಮ
ಚಿದ್ರೂಪ ರಾಮ
ಜನನಮರಣ ಹರಣಾದಿ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 19
ರಮಾಧವ ರಾಮ
ಕ್ಷಮೆಯುತ ರಾಮ
ಸುಮನಸ ಭಕ್ತಾಧೀನ ರಾಮ ಮಹ
ದಾದಿಗಾದಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ 20
ಜಯ ಜಯ ರಾಮ
ಜಯ ಶ್ರೀರಾಮ
ಜಯವೆಂದು ನೂರೆಂಟು ಪೊಗಳಲೀ ನಾಮ
ದಯದೀಯ್ವಮುಕ್ತಿ ರಾಮ ಸದಾ ಓಂ ಮಹ
ದಾದಿಗಾದಿ ರಾಮ21